حبيبتي الله يهدي بالك وبالي وجميع البنوتات يارب
هالشي موجود بجميع المجتمعات العربية
بيدقوا ويتصلوا وييجوا ويروحوا يعني لاتفكري انه بس عندك عم بسير هالشي .. وكلي امرك لربك وسدقيني انتي امورة واخلاقك بتجنن
وهم الخسرانين ماالهم بالطيب نصيب ..
شوفي متل مااقترحوا عليكي الصبايا هون انه تخلي العريس يجي مع اهله من اول زيارة
يعني لما تتصل والدته عليكم مشان تاخد موعد مع والدتك خلي والدتك تقلها انه تجيب الشب معها كرمال يشوفك وتشوفيه
بس بدك الصراحة في امهات متسلطات يعني حتى لو اجى العريس مع امه ليشوفك ممكن الام تضغط عليه وماترضى
ازكرلك موقف لصاحبتي
اجاها عريس وامه معه
المهم صاحبتي حكتلي انها حست من الشب انه معجب فيها
من لما قعد وهو ماسكت ومبسوط
وامه عم بتدق على رجله مشان يقوم ليروحوا
ولما لقته ماقام حكتله يلا خلينا نروح ك
وكانت معصبة كتير
وبعديها مااتصلوا ومارجعوا ..
حبيت احكيلك هاد الموقف لحتى تعرفي وماتنصدمي وماتزعلي ازا اجى العريس مع امه وشافك ومارجعوا
ممكن امه هيي الي مابدها بس هو بده
لهيك وكلي امرك لربك ياقمر
وادعي الله انه يرزقك بابن الحلال الي يسر قلبك وخاطرك

__________________
يارب