رد : زوجي عقيم
أول شي يا أختي زوجك ماله ذنب ولا يد فما في داعي للتجرح،إذا نفسيا مو متقبلة ظروفه فارقيه بإحسان
مثل ماهو معاشرك بإحسان.
الله إذا أخذ من اﻹنسان شي يمنحه شيء آخر وإنت ربي منع عنك الذرية لكن أعطاك زوج بمواصفات رائعة جدا،
يا أختي الانسان بهالدنيا مو محتاج أكثر من الاحساس باﻷمان والحب والحنان والابتسامة والسند والمعية الحلوة،
وهذه كلها موفرها لك زوجك،
وش باقي بعد؟
تضمنين زوجك القادم وذريتك يوفرون راحة نفسية وسعادة ولو جزء يسير من اللي وفرهم لك زوجك؟؟
ليش تتركين حياة الراحة والحياة السعيدة لحياة مجهولة؟
اللي فهمته منك من اﻷساس منت مقتنعة بالحياة مع زوجك بسبب السكر والسائق،فلما عرفت بعقمه قلت في نفسك
وش يصبرني عليه؟
قريبي ومن أقرب المقربين ما أنجب له سنيييييين مع زوجته العيب لامنه ولامنها لكنه صابر وماتزوج عليها مع إنه قادر ومقتدر هو مقتنع بحياته وبقلبه حب صادق ووفاء واخلاص وهالشي نادر بهالزمن.
ما أنكر ولا ألغي مشاعر اﻷمومة اللي تحسين فيها لكن زوج بمثل مواصفات زوجك شخص نادر،ولو أنا بمكانك أتمسك بزوجي ﻷنه بصراحة ،،الزوج هو اﻷبقى للزوجة حتى بعد انجاب الذرية.
أولا وأخيرا القرار لك بس رجاءا لا تقسي ع زوجك ولا تجرحينه.