المشاركة الأصلية كتبت بواسطة ضيعتني آلعاطفهـ

إنها تكون زعلانه شيء وإنها تقل أدبها شيء آخر

إنك تحبها شيء وإنك تذل نفسك لها شيء آخر

إنت ماخنتها ولا زنيت ولافعلت أمر عظيم كل إللي طلبته حقك بالزواج من أخرى لا للمتعه ولكن لإنجاب الأطفال

وإنت سعيت وبحث عن علاج وحاولت تكفل أيتام

تمنيت لو إنك ماأستعجلت وقلت لها إني ألغيت الفكره إنت حالياً تبيها ترجع لك لكن بعد سنه سنتين ثلاث بتحس بالحنين لطفل ولو رجعت فاتحتها بالموضوع بتعتبرك غشيتها وكذبت عليها

أي شخص في هاذي الحياه سواء أمرأه أو رجل من حقه يفكر بالإنجاب طالما إنه يستطيع

ومو من حق شريك الحياه إنه يزعل أو ياخذ بخاطره أو يشوفها قلّة وفاء إللي يحبك بيضحي عشان سعادتك

إذا هي الله حرمها من الذريه تحرم نفسها من الزوج ليه؟؟

إللي زيك ينعض عليه بالنواجذ للأسف محد بيكون خسران بطلب الطلاق إلا هي وهالشي يمكن تعرفه متأخر وتندم وقت لاينفع الندم

وإللي يرفض العشر يقبل بعدها سبع

إللي أنت سويته الحين تمام إنك تكلمت معها بحزم لازم تعرف حدودها زعلانه أوكي لكن تقلّ أدبها بهالشكل لأ

وياريت ترجع تفكر بموضوع الزواج لأن لو بترجع لك لازم في شروط وتتكلم قدام أهلها

إذا أنت مستعد تضحي بالذريه خلاص رجعها من غير شروط وكلام لكن لو الفكره ممكن تنطرح بالمستقبل

أشرط عليها قبولها بهالشي خليك واضح من البدايه وأبداً لاتحس بتأنيب الضمير إنت ماطلبت إلا حقك

وهي العزيزه الغاليه حبيبة القلب وإللي بتوقف معها حتى بعد زواجك وتسعى للإنجاب منها

نعمة إنجاب الأطفال ماتنشرى بكنوز الدنيا وإللي قدر على الإنجاب لايحرم نفسه وإللي مايقدر على الإنجاب

الله بيرزقه بنعمه ثانيه مهي عند غيره هاذا من عدل الله علينا إنه مايعطينا كل شي