(برود زوجي تجاهي )
السلام عليكم ..
مممن البعض يشوف الموضوع جريء او مفروض ماينكتب خاص لكن اقولكم من تزوجت لليوم مرت 4 سنوات وانا اتمنى اكتب مشكلتي واتردد لكن اليوم قررت اكتبها فقط لهذا المنتدى المختلف عن المنتديات الزوجيه الباقيه لان هنا شفت الناس اللي فيه ع الاقل نقول انهم متزوجين وفاهمين وقادرين يحللون الوضع . فعلاا انا محتاجه حل استنزفت طاقاتي وحوارتي معه بلا نتيجة !

مشكلتي .. هي زوجي متزوجة لي 4 سنوات وماعندنا اطفال ، زوجي ياناس وش اقولكم عنه عنده برود فضيع تجاهي
انا الحمد لله ماعلي قاصر اهتمامي بنفسي فوق المستوى اشتري احسن الماركات اكشخ له دايم اشتري احسن العطورات والملابس حتى البيت له عطور خاصه، التسوق عشان كشختي له في البيت بحد ذاته تكلفني ميزانيه اروح بشكل دوري للصالونات حفظوني وحده منهم تقولي انتي عروس ؟ بكل مناسبات الاعراس انخطب لكن بس ارجع للبيت القى زوجي مو مهتم فيني ينام ويخليني وانا بقمه شياكتي . حتى لما نسافر ونحجز فنادق 5 نجوم وجو حلو ورومنسي والبس احسن لبس يخليني وينام. !! يمكن بالشهر مرتين فقط . لو احلف كل اسبوعين او 10 ايام مره تصير واغلبها انا اللي ابادر لعل وعسى يتحرك وينتبه لي وايام الدوام خط احمر ايام الويكند ع الاجهزه مشغولو غالبيتها يقوم الصبح يتروش لنفسه ع العموم انا سبق اقول الاهتمام لنفسي اولا ً وماعلي منه ولكن الان قررت ابعد عن الكشخه واريح راسي من الاهتمام شكلي بشتري قمصان دراعات ! واعيش لنفسي !!

انا اعترف اني انسانه انيقه ونظيفه جدا كنت حتى بالسفر اجيب شنطقه ملابس للصباح وللسهره وولطلعات وطقم الميك اب والتنظيف حريصه اطلع عروس مهتمه بنفسي وبوزني ووبشرتي وبكل حاجه واحسن قلت لكم هالصوره عشان تعرفون ماعلي قصور ! وع فكره لاحظت كثير بنات يشتكون نفس مشكلتي مادري اجل ليش متزوجين بنات الناس ؟؟ تبونا نطبخ ونضف البيت بس ؟! والله مرات اقول لزوجي اجل ليش جاي تاخذني من بيت اهلي كان خليتني انام عندهم ! يعني اقل شي لحظات رومنسيه نتابع فيلم سوى ابيه يقول ي فلانه لاتنامين الليل بنسهر بنتابع فيلم ابي اهتمام ابي يحسسني اني متزوجه وانه زوجي واني انثى وانه ينغري .. ........................... المشكله لما اشوف بنات عاديات جدا ازواجهم طايرين فيهم من هالناحيه والله اعرف وحده حتى العطر ماعندها ! والمصيبه اللي يكتبون كلام فارغ بالنت سوي كذا البسي كذا بينجن زوجك ! تعلمت ان الزوج لو له نفس بذا الشيء بيصير مو عشان شطارتك ! < رساله للبنات اللي بوضعي
انا وصله انه يتهرب ينام قبلي او ينام بعدي ومايجي الغرفه والانسان يحس ويفهم لدرجة مره قالي كل واحد له بطانيه . صراحه وانا ماقصر بالرد معه صرت اقوله لا الافضل كل واحد له غرفه احسن !
وااضيف ترا انا صارحته قالي امارس العاده !! وحلفته بالمصحف يتركها وشكله ماتركها . لاتقولون شايف شوفه انا مراقبه له ماعنده هالسوالف يمكن يشوف افلام ومستمر بالعاده هذا اللي اتوقعه فقط .


ياليت تكون ردودكم راقيه يمكن اتشجع واخليه يشوف الموضوع .
ابي تشرحون هل الوضع اللي فيه زوجي طبيعي ؟ وحللو مشكلته لو تقدرون ؟!
للامانه باقي جوانب حياتنا الحمد لله مبسوطين ومتفاهمين لو ادري بس اني مو عاجبته باي شي كان تركته لكن حتى هو يعترف ماعلي قصور .

(تم التعديل ليتناسب مع المضمون)