بما أنه طلب ورقة تعريف منك فهذا معناه بيستقدم السائق بإسمك،
وهذه الورقة ﻷجل استخراج تأشيرة سائق.ويتطلب اصدار التأشيرة 2000

لما تصدر التأشيرة تستلمينها وتعطينها لمكتب الاستقدام باﻹضافة ﻷوراق أخرى تعبينها عندهم
باﻹضافة إلى اﻷوراق تعطينهم رسوم استقدام السائق انا دفعت حسب ما أذكر 4000 ،، ويمكن تختلف الرسوم من جنسية ﻷخرى،

بعد وصول السائق،،تسوين له التحاليل أعتقد ب 200 او 300
تسوين له اﻹقامة وأعتقد تكلفتها 2000
تدخلينه مركز اللي يعلمون فيه السواقة مدري وش يقولون له..عشان تقدرين تستخرجين له رخصة قيادة،
وله رسوم هالمركز بس نسيت والله كم،

في شي اسمه استمارة أظن قيمتها 600،

المهم ياأخية هذا اللي أذكره يوم جبت لنفسي سواق،،وياليت أخواننا الرجال يعدلون ع كلامي ان كان يحتاج تعديل.

نصيحتي لك
جيبي السايق بإسمك ولا تعقدينها ع عمرك،،دفعت دم قلبك وشريتي له سيارة عشان يرتاح
نفسك أولى تريحينها،جيبي السواق ودلعي نفسك،

اللي راح ماراح يرجع واسألي ربك العوض،،
لكن حياتك القادمة،أي شي " له " خلي كلمتك واحدة (ماعندي)
زي ماهو تاركك تدبرين نفسك اتركيه يدبر نفسه.

حاولي بكل الحيل يصرف ع البيت.

الله يكون بعوني وعونك،،الزوج الطماع ابتلاء،مالنا إلا الصبر.