رد : زوجي يغار من صور الواتس..وهل الغيره دليل الحب
اقتباس:
المشاركة الأصلية كتبت بواسطة أم الدانــــــة
عارفة يافاطمة .. انا ببداية مواضيعك وردودك قلت هاذي الزوجة الثانية العاقلة .. لكن في موضوعك هذا بالذات اكتشفت علي الرغم انك اكبر مني ومن كثيرات من العضوات في السن .. الا انك غير ناضجة بعد .. تقبلي صراحتي ما ابغي شي غير مصلحتك ولا انتي اللي خذيتي زوجي .. انا خبرتي الزوجية 13 سنة وفيه من خبرتهم 15 و 10 و 8 .. يعني اخذي كلامهم بعين الاعتبار اذا كان فعلا المقصد من مواضيعك الاستفادة من الاراء ..
بخصوص هل زوجك يغار وهل يحبك؟ اكيد يحبك .. وللا ليش يتزوجك؟ وهل يغار ؟ طبها يغار .. هاذي من الرجولة . بخصوص الصورة .. اءا هي اللي في بالي .. فما ينلام زوجك لان الشخص اللي في الصورة تبارك الله جميل جدا .. انا عن نفسي ما اتجرأ احطها احتياما لزوجي وخوفا من ردة فعله .. ممكن اختبر غيرته في امور بسيطة ومواقف الحياة بتثبت لك حبه وغيرته اكثر ..
ابعدي زوجته من راسك .. واذا حبها فهي الاولي في حياته وام عياله وعشرة سنين .. ومن حقها عليه ان تكون بينهم مشاعر ويحافظ عليها ولا يمحيها لمجرد انه دخلت انسانة ثانية في حياته .. هكذا يكون ( رجلا ) ..
|
الله يرضى عليج يا أم الدانة.
فاطمة..
ما راح يقدم ولا يأخر معانا إنج خذيتي متزوج أو لا .. حبج أو لا .. أو حتى عدل معاج أو لا.
في النهاية لا نعرفج ولا تعرفينا .... وكل وحدة لها ظروفها وقصتها وشريك حياتها اللي يختلف كل الاختلاف عن غيره.
يمكن مشكلتج انج تعرضتي لمواقف هجومية في أرض الواقع ففكرتي إن كل حد بينتقد بيكون هدفه الهجوم .... لكن في الحقيقة هذا غير صحيح .... على الأقل ما في مجال لهذا في عالم النت .. فكبري مخج الله يرضى عليج في هالنقطة بالذات.
نرجع لزوجج 
الحب من الله يا فاطمة .. وحلو إن المرأة يكون عندها زوج يحبها بكل تأكيد .... لكن مرة ثانية أقول لج الاستعجال مب حلو.
النقطة الثانية .. شيلي من بالج سالفة (اني أكون الحب الأول والأخير) و(ان شاء الله يحبني أكثر) .. لأنج ببساطة عمرج ما راح تتأكدين من مقدار حب زوجج وهل هو أكثر أو أقل من حبه لزوجته الأولى .. حتى لو هو قالها لج بلسانه.
كل اللي راح تسويه هالافكار فيج انها بتخليج تقولين كلام وتتصرفين تصرفات يمكن تؤخَذ عليج وتصغّرج في عيون البعض .. بعض اللي حواليج مب اللي هني في المنتدى .. ويمكن يكون زوجج واحد منهم لا قدر الله.
فديري بالج وكوني حريصة انج تبدين حياتج الزوجية بشكل صحيح.
__________________
اللهم طِيبَ الأثر .. وحُسْنَ الرحيل.
التعديل الأخير تم بواسطة مهره ; 29-08-2014 الساعة 09:16 AM