السلام عليكم ورحمة الله وبركاته

اخواني واخواتي اشكر لكم تفاعلكم مع مشكلتي , حاولت وحاولت اني اغيرها واجعل منها انسانه اخرى ولكن للاسف كل المحاولات فشلت معاها وتعبت جدا معاها

اصبحت مثلها مثل المزهرية بالبيت لا اشعر بوجودها ودائما انا اللي لازم افتح مواضيع واسولف لها وهي فقط مجرد مستمع ولما اسالها عن اي شي يكون ردها على قد السؤال تعبت من ذا الحال

مع اني اعطيتها الامان والحنان وبينت لها اني ابيها وماستغنى عنها وصبرت عليها بس شسويلها اكثر من كذا

دائما سرحانه معي والاحظ انها شغوووووول بشكل مو طبيعي بس تحب تشغل نفسها بشكل مو طبيعي مثلا البيت نظيف جدا جدا جدا ومايحتاج تنظيف تقوم تروح ترجع تنظف البيت كله من ثاني وجديد

احيانا اشوفها تستحم ثلاث او اربع مرات يوميا ياجماعة يوميا على هذا الحال اسالها ليش ترد علي انا كذا احب النظافة احس احيانا انها موسوسة

حتى حياتنا الجنسية باردة جدا وتسويلي اللي ابي بس عشان تسكتني ولما اسالها انبسطي مرتاحه ترد علي مادري !! جننتني شنو يعني مادري الله اعلم

طبعا هي ماتتواصل نهائيا مع احد وسبق ذكرت هذا الشي حتى مع اهلها نهائيا

لاتحب تروح مطاعم او كافيهات او مولات او اي شي كله بالبيت كله بالبيت وفيه شي تذكرته مادري بعد ذا طبيعي او لا اذا راحت السوق تدخل محل واحد بس وتشتري بلوزه وحده ولكن تاخذ كل الالوان من هذي البلوزه !!! هي دائما كذا مادري في احد مثلها ولا بس هي كذا

وماتطلب نهائيا مني شي ولا كاني زوجها ومسؤول عنها ولاتسالني عن اي شي تحسسني بقيمتي كرجل معها وتحتاجني

علما اني صارحت امها مؤخرا بكل شي وقالتلي هي كذا من طفولتها وانت لاتصير دقيق وحاول انك تتآقلم مع وضعها


على فكرة زوجتي في مره من المرات جات قالتلي شنو رايك تتزوج اختي وطلقني !! طبعا انا انصدمت قلت لها ليش مو مرتاحه انتي معي قالتلي عادي بس انا اشوف انه كذا احسن قلت لها ليش تشوفي انه كذا احسن ؟ قالتلي مادري وراحت من عندي تكمل شغلها كالعاده