[QUOTE=sensitive very;3104423]من الخطأ قياس المرأة على الرجل، فالمرأة مجبولة على الاكتفاء برجل، كما أن الرجل مجبول على عدم الاكتفاء بامرأة واحدة : ( حُبب إلي من دنياكم الطيب والنساء ) ...

وهذا من أسرار تشريع التعدد ...

وهو الأمر العام، ولكل عام شواذ في الجنسين ...
فالرجل غير المعدد يتمنى التعدد ولكن يمنعه منه موانع، ومن النادر ان تجدي رجلاً لا يرغب به في داخله، وخاصة بعد بلوغ سن الأربعين






اخي تصحيحا لكلامك هالرجل موجود وبدل الرجل في رجال
ورح احكي عن واقعي و وضعي وحالتي اللي مريت فيها انا عانيت من الوسواس القهري والكآبة ووصلت لمرحلة كرهت نفسي وزوجي واطفالي وعشت في جحيم ونقلت الجحيم لحياتهن
وكنت اصر على زوجي يتركني ويروح يتزوج افضل مني وانسانة تسعده فانا صرت اشبه بالميتة لا حياة ولا روح وافتعل المشاكل وحتى اهله شجعوه يتركني ويروح يشوف حياته ولا مرة فكر بالموضوع عطول كان الرفض وانا ما بتخلى عنك ولا بدي غيرك بدي كمل حياتي معك انتي مش مع اي حدا تاني وعمره الان 48 الله يطول بعمره ويخليه فوق راسنا
وقت زوجي يكون ماشي عالطريق وعايش ببلد اوروبي ويقول لاخوه بتعرف كل هالنساء ما ببدلهن بضفر زوجتي ووقت سلفي بيتصل فيني وبيحكيلي عن حبه لزوجته وبيعتبرها نعمة من عند الله رزقه فيها وما بيقول عنها الا يا طاهرة النور من وجها بيطلع مع انو بتحصل في مشاكل وخلافات بيناتهن وما حجﻻ معصوم من الخطأ
وقت تلاقي رجل بكرم المرأة وبقلها انتي ملكة بحياتي وانتي اللي ملكتي قلبي واستوطنتي فيه
كل هالاشيا ما تقلي ما سامع فيهن اخي او ما حسيت فيهن
من كلامك اخي رح اشعر انو زوجي ما بينتمي للرجال بس في نماذج كتير بسمع عنها وبشوف من الواقع وبقول لاء موجودين التعدد ربنا شرعه وما فرضه وكل انسان هوي حسب ما يشوف حاله وقت رجل بيقول انو زوجتي بنساء العالم هل هذا الرجل رح تبقى عنده عقدة التعدد لانو ما عدد واذا الرجل فطرة على الشهوة كل النساء بتوصله لغرضه النتيجة وحدة بهيدي الشغلة
واللي زوجته عقيم وما رضي يعدد بسبب الانجاب واللي زوجها عقيم وما بدها تتخلى عنو لاخر نفس بعمرها وهيي خالتي هيدا دليل على شو في حب روحي اقوى من كل الظروف

والنماذج الي بسمع فيها كتير في نساء بتكون المشاكل لذروتها مع الاهل الزوج بغض النظر عن مين الظالم ومين المظلوم وبصير في تحريض للزوج لتركها والزواج بغيرها وبيستعرضوا الجميلات والاقارب والمدح بالاخلاق والدين لكن يرفض ولا يتخلى عن زوجته
برأيك شو السبب اذا في نفسه التعدد ووضعه المادي يسمع والظروف لصالحه والكل عم يشجعه ليش بيرفض
كل انسان حر ان مع التعدد او ضد التعدد وشرع الله ما حدا بيعترض عليه ولكل انشان ظروفه بس ما نجزم لانو شرع الله ما حدا بيتمناه
وقت تكون عايش بمجتمع مختلط وتلاقي الرجل كل يوم بشوف اشكال والوان من النساء وبيختار وحدة بس وبيحارب كرمال لياخدها وتكون شريكة حياته ما بعود في كلام عن في نفسه او ما في نفسه لانو اذا رح نحكي من هالباب وعنده حب النساء ما رح يكتفي باربعة لانو نساء العالم مش اربعة
احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه