ناس كثير حاولت ترهبني باسم الدين و عقوق الوالدين واولهم امام المسجد بس اسمع من اذن واطلع من الثانية واخواني من امي صغار اعمارهم 4 و 2 وما قد شفتهم الا في صور الواتس عند امي والله قاعد اسوي اشياء اكبر من عمري وظيفة وتعب وما ارجع البيت الا و جسمي مكسر وصلة وصلة و هيا السبب
اروح الجامعة محاضرتين في الصبح الى الظهر واحرك بعدها على الدوام من 12 الى 8 وارجع البيت مهدود وحالتي حالة والله الي في عمري يلعب ويلهو وانا شايل مسئوليات حق رجال عمره في الاربعين بس لمن ارجع البيت واشوف امي واختي لابسين احلى الملابس والثلاجة مليانة والتوأم حاجياتهم كله موجودة والكهرباء شغالة بعكس اول ناخذ من الجيران واهلي عايشين احلى عيشة واعرف ان هذا كله من تعبي والله التعب يهون وانبسط

امي زادت محاولاتها واليوم جيت من الدوام اعطتني زوجة ابوي ظرف تقول هذا من امك تقول اعطيه لرامي قلت وش جوته قالت مدري والله فتحته لقيت 10 الاف ريال ورسالة تتعتذر فيها رحت اخذت الظرف وعلى بيتها ودقيت الجرس فتح جدي قلته اعطيها لامي وقول لها مشكورة وما تقصر بس ماني بحاجة الفلوس وصار جدي يسب فيا من باب الشقة الين ما وصلت باب الشارع ويقول الحين صارت بينها وبين ولد اخوي مشاكل ويمكن يتطلقو وانتم السبب قلتله يا جدي كثر منها وتمشي على غيري قعد يقول بعدها روح يا وجه الفقر والله لو تشتغل سنة قدام ما تجيبها والله لاشتكي عليكم في الحقوق قلتله الله ييسرلك الطريق قدامك بعدها لحق وراي لسيارة ويقول والله لو تطلقت منه بسببك لاهد الخراب الي ساكنين فيه فوق راسك وراس اختك و............ ذيك الي غسلت عقولكم ضحكت في وجهه ومشيت هذا الي صار يوم
وتقولون عني عاق والله اجلس عاق طول عمري ولا اسكن مع ...... ذولا