ياخوي لازم تكون متوقع هالشي ! انت بعمرهم ما شفت الطلاب اللي حواليك حتى وان كنت مؤدب ولكن من هم بعمرك بءاك الوقت اكيد كانت لهم مثل هالحركات وهالشي طبيعي .... اللي عليك تستفيد من مادة التربية اعتقد اسمها جي وتستسقي منها خطة تبنيها لحتى توصل لهدفك وهو انضباط الطلبة ،،،

هالشي هو اللي راح يطور مهاراتك للمستقبل ان شاء الله ويساعدك عل اكتساب الخبرة ،، فاعتبره تحدي ! ليش تتعب قلبك وعقلك وهم مراهقين مافي بالهم غير المزح والاندفاع بدون قصد وبالنهاية مو حاطينك براسهم هههههههه ..

انا معاك الشباب مختلفين عن البنات ولكن الله وكيلك فيه بنات عن الف صبي بالازعاج والاستفزاز ! انا اشتغلت مع نوعين ومرحلتين ... الاول كانوا صفوف مختلطة بالمرحلة المتوسطة والثانوية والاهدء نسبيا من هم بالمرحلة الثانوية ... الثاني صفوف ذكور متوسطة وثانوية ولقيت ان اخر صف بالثانوية هدوء وانشراح وتفاهم اكثر ...

طبعا اول مرة تعليفات بما اني انثى ! فكنت عادي امشيها وابتسم معاهم واما المرة الثانية فتقربت منهم ... كان اسلوبي بالشرح لهم (كانت صفوف تعليمية صحية ) باني اجلس بوسطهم يعني ما اكون واقفه وهاذي احد اساليب التعليم انك تكون واحد منهم ! عشان تسمع مناقشاتهم وبنفس الوقت يهدئون لان مساحتهم الخاصة تصغرت وايضا تعلق معاهم كانك منهم وبنفس الوقت توصل لهم المعلومة باسلووبهم هم .. اكيد بيجيك واحد يسوي عمره فله ولكن طنشه وكمل بينحرج ويسكت ... جيب لهم المادة بطريقة مشوقة ملفته وبكلامهم هم ترى حتى بالامتحان يتذكرونها وتنفعهم المعلومة ! .. اسلوبك للتسكيت خله مرح ، هادئ وادخل معاهم جوو صدقني بيسكتون ههههههه شفت صراخ وازعاج عندك باي شي اضرب على طاولة احدهم ضربة قوية الفت نظرهم وابتسم وقول لهم ردة فعل مضحكة مثلا خفتوا من صوت الجني او او او اي شي بتقوله راح يخلي تركيزهم معاك وشوي شوي مع الايام راح تشوف التغيير ...

خليهم يقتدون بك من كل النواحي ،، حببهم بالحصة ولا تنسى انت بتحدي بيكسبك مهارة وثقة نفس وعزيمة للعمل بالمستقبل ....