نسخت موضوعك لبعض الناس وليتهم يحسون
تدرين ياحبيبتي زمان ع ايام امي وجدتي كانت المراة ما تتالم
كان الرجل ع بال مايتزوج فلانه بنت فلان تنشف ريوقه عشان ياخذها في بيته
واذا تزوجها اكرمها وحطها تاج ع راسه
والله اذكر جدي الله يرحمه كان يقول لجدتي ياتاج راسي يالزعول يام العيون لي عشانها ابيع كل ما املك
كان عمري وقتها عشر سنوات وكنت متعلقه بجدي كثير ودوم معهم
واسمع وش كان يقولها من غزل وحتى الشعر وهي مو معطيته وجه وتتغلى
كان يحب راسها لا زلت ولا تعبوها العيال يقول فديتك يام عيالي ادري انك تعبانه والله يكتب لك الاجر
جدي خلفت كثير ماشاء الله حول 13 بين ذكور واناث
ترد عليه تقوله كله منك من قالك ابي احمل تقول احد قالها احملي بالقوه هههههههههه
وهي كل ماتغلت هو يتنازل ويدلع رغم ان حياتهم كانت بسيطه بس عرفو معنى الحب الحقيقي او بالاحرى الموده والرحمة لي كانت بين الزوجين
عاد وقت يمرض جدي هنا جدتي تنهار وتبين ضعفها وتخاف عليه وتسهر عند راسه
كان يقول ليتني امرض ع طول
ترد عليه الله يكفيك شر المرض يا عزوتي
وانا كنت اسمعهم وطفله في العشر سنوات وكنت افرح لكلامهم
ولا ابوي الله يرحمه كان يعشق امي عشق الجنون رغم انه تزوج عليها كثير بس مكان امي مافي وحده قدرت تاخذه
يابنتي الدنيا مسخت وصار الرجل هو الي الحين يتغلى ويتكبر ويطلق ع مزاجه ويرجع ع مزاجه
صارت عنده الحرمه زي السياره بس وقت الضروره
ولا تعطلت رماها ودور غيرها ولا انجبت تغرق لوحدها بتربيه العيال
الزمن الجميل انتهى وراح زمن الحب والعطاء والنخوه
ماعاد الا بعض الرخوم مع احترامي لمعنى الرجل
الله يعوضنا بالجنه ياحبيبتي الحين نشتغل لاخرتنا وهناك نتزوج من يحلو لنا ونسكن فقصور ونتمتع
الله يارب رضاك وعفوك والجنه.

__________________
أقّسَمتِ مِرآراً وُتِكٌرآراً أنَ لآ مكَآنْ للّرحِيل بيَننا وُلكِنْ الرّحيلْ كٌآنْ أصَدقْ ...