1 - أول شي ، أول ما تعينت كنت أكررررررررررف بجد و متميزة جدا بعملي .. و الحمد لله إني أبدع في مجال
عملي

2 - كانوا يسموني ( حمامة ) بالعمل ،، من كثر ما كنت أتحرك هنا و هناك ..
و اللي تسميني ( هارد ووركر ) .. و كنت سعيدة الصراحة بعملي .. و كنت مثلك تماما" ..
و نفسيتي تتأثر لو قصرت بشي بعملي ..

.
.

#. بدأت تتحول قناعاتي .#

و أصبحت :

- أعمل اللي ( عليّ ) .. و فقط لا غير ..

- وظيفتي فيه حقوق ليا ، و حقوق عليا .. أقوم بواجباتي فقط ..
لإنه ( النجاح الحقيقي = ليس بالعمل و الوظيفة ) ..

- يكفي إني أحلل راتبي ، و أقوم بما يرضي الله ..

- أولادي هم ( رقم واحد في حياتي ) ..
أنا ليش اشتغل ؟
مو علشانهم ؟

أنا ليش كرفت طول حياتي من أولى ابتدائي إلى هذا اليوم ؟
مو علشان أولادي .. و أشوف ثمرة نجاخي فيهم ؟

.
.

إيش الفايدة إذا بيوم من الأيام ، أولادي كبروا .. و استقلوا عني ؟
و أنا تقاعدت مثلا ، و أكون بحاجة لهم ، و هما كل واحد فيهم ( يضيع كل عمره في عمله و النجاح بالعمل ) ؟

- الشي الي تقدميه لهم الآن ، لا شعوريا إنت تلقنيهم .. إيش يقدموه لك لما يكبروا و تكوني محتاجة لهم ..

.
.

أول خطوة /

لازم تغيري قناعاتك ..

.
.

الفشل بالعمل ( مو عيب ) ..

لكن الفشل بالتربية ( هو المصيبة ) ..

.
.

أدري إنك مو مقصرة معاهم ..

.
.

لكن أبغى أسألك ..

- ولدك الي في أولى ابتدائي ، تعرفي مين هما أصحابه ؟
تعرفي إيش اشترى في الفسحة ؟
تعرفي إيش قال له الأستاذ ؟
تعرفي إيش يفطر و مع مين و قابل مين و كلم مين ؟
ولدك تعرفي حافظ دروسه لحد فين و مستواه الدراسي ؟
تعرفي أصحاب ولدك بالمدرسة إيش يفطروا و إيش صارت له مواقف معهم ؟

.
.

طيب الوسطاني ( معليه ماعرف كم عمره أو عمرها )
لكن أتوقع عمره بيكون 4 ؟؟؟

كم ساعة تعطيه من وقتك في اليوم أو في الأسبوع ؟
كيف أسنانه ؟ مسوسة ؟ تتغسل كل يوم أو مرة بالأسبوع ؟

.
.

أصغر واحد ، تعرفي الله يعزك هل هو ملتهب مكان الحفاظ الله يعزك أو لا ؟
الشغالات غير حريصات ..

كم مرة تغيري له بنفسك ؟

كم مرة تحممي أولادك و تجلسي معاهم ؟

.
.

شفتي الرجال لما يجلس مع زوجته ، و باله مع أصحابه ؟
و زوجته تقول إنت ما تجلس معايا ، و هو يشوف إنه جالس معاها ؟

هو جسداً معاها ، لكن معنويا و حسيا مو معاها ..

.
.

إنت كذلك ..

تجلسي ممكن مع أولادك ، لكن الطفل يشعر - إنه بالك مو معاه - ..
إنك تقولي يالله بس متى أخلص منه و أقوم ..

.
.

لي عودة