حبيبتي مع الضغوطات سواء الرجل والمرأة تجيهم هالحالة وخصوصا ببداية المشوار ،، شعورك طبيعي وتحتاجي للتكيف اولا
و لوضع اهداف ثانيا للاصلاح من نفسك وزوجك ... مثلا لازم تعرفي الوقت المناسب للتطنيش والوقت المناسب للمراضاة والوقت المناسب للمناقشة ،،، تعابير الوجهه المناسبة لشخصية زوجك للتاثير عليه ،،، فممكن يكون من النوع اللي مايحب الكلام ( يعني اذنه فيها ماي ) ويحب الاختصار والايجاز مثلا يا فلان (ابغيك تكلمني) ( احضني ) ( حاول تناقشني ) ( نفسيتي متعبة طمأنني ) شي موجز ويوصل المعلومة ،، يحب القوة وليس الضعف ،، قعد معاك وعنده اللاب توب او الهاتف وانشغل به شتتي تفكيره بمثلا مشاهدة مقطع مضحك عل التلفاز او حتى تخبريه بشي سوته بنتك واضحكك اليوم ترى حتى لو ما رد مايعني ما سمع ( اذونه للحين صاحية) هالحركة هاذي تدربه على استقبال الكلام منك مع التكرير وبنهاية قصتك لا تساليه سمعتني او فهمتني او تعاتبي لاا ابدا مجرد اذكري الموقف واضحكي مع بنتك ...

موضوع المناقشة حاليا اجليه لحتى تدرسي شخصية زوجك تماام وتعرفي الخطوات الصحيحة للتوصل لحل او لمخرج مع شخصية زوجك .... اللي عليك تبتدي من نفسك عشان اذا قويتيها راح تقوى ارادتك للتغير اولا والتصميم على تغيير حياتك الزوجية ككل وهالشي بيجي بالفايدة لك بالدرجة الاولى ،،،، غيري نمط حياتك النفسي ، المعنوي والمادي ... يعني انتي سوي لك روتين معين مع بنتك خاص فيكم من بداية يومك لنهايته ، من تدريب طفلتك مثلا على الالوان ،وجبات صحية تتشاركي بصنعها مع بنتك، بعدها تعليم الصلاة ( التعليم يعطيك حافز والاطفال بهالعمر موتهم التقليد بطريقة طريفة ) المغزى من كل هذا هو تقليل تركيزك على زوجك ووضع تركيزك بشكل اكبر حاليا على نفسك عشان تعطي نفسك القوة والارادة للمواصلة ،، اخذي لك وقت يوميا تتكلمين فيه مع نفسك ( لا تخافي بيكون في لك شعره فقط على الجنون مثلي ههههههه ) كل اللي ودك تقولينه لزوجك وتبغين تفضفضين به قوووليه لان اكبر شي محطم او محبط هو الكتم كانها حجرة جاثمة عليك فشيليها ،، تبغي تفرحي نفسك وتبتسمي من قلب حلك بين يديك (بنتك ) صيري لها مهرج نطي وارقصي لها وشوفي تعابير وجهها اذا ما طحتي ضحك منه ( هاذي بعض الاساليب اللي نستعملها لتنفيس الغضب او بعض الحالات النفسية المؤقته ) ،،، بيتك خلي لك زمن معين للتنظيف فيه ومجرد ما تبتدي التنظيف راح تنغمسي فيه وتستمتعي ولا تكلفي على نفسك يعني كل يوم تنظيف شي معين على حسب قدرتك .... اذا رجع زوجك للبيت خليه يشوفك بعكس ما يشوفك بكل يوم من لبس ، دلع لنفسك وحب ، ابتسامة منتتتصر ومرتااااح ( شوفي بنتك وتذكري ضحكها وبتستمين )

حاليا هذا اللي ببالي ،، وع فكرة انا حصل ولا زال يحصل لي احساسك ههههههه مع التربية وزاد عليها الحمل وبعض المسؤوليات والضغوطات ولكن مااعطي نفسي غير يومين ثلاث تدخل نفسية وبعدها غصب عنها ارجع مثل اول عشاني انا اولا ولاسرتي ثانيا واستخدم بعض اللي ذكرته لك ....واذا جا ببالي افكار ثانية بطرحها لك ان شاء الله ،،،