صباح الخير
مبتعثه حبيبتي
حياتنا واقدارنا كلها بيد الله
الله سبحانه وتعالى يدبرها لنا ويهيءنا لتكيف والتعايش معها ويعطينا الصبر والقدره ع التحمل ظروف الحياه وقسوتها
بالنسبه لي
كنت إنسانه اعشق زوجي بمعنى الكلمه واعشق دوري كزوجة وحبيبه
أعطيته كل شي وضحيت كثير لآني كنت أموت فيه كان هو كل سعادتي كان حبي وكان أغلى من روحي
ما توقعت في يوم من الأيام اني أكون مطلقه
كان هذا الاحتمال من سابع المستحيلات بالنسبه لي
كنت الإنسانه العاقلة المحافظه على اسرار بيتها ومقدره ظروف زوجي واهم شي كان في حب كبير بيني وبينه
الحمد لله حصل الطلاق وخرجت من تجربتي ام ومعها 4 اطفال كان اكبر اولادي بنت عمرها 10 سنوات.
تعبت وانهرت لكن ما أنسى وقفت اهلي معاي بالصراحه الله يخليهم تاج فوق راسي ويحفظ لي أمي وأبويا ولا يحرمني منهم. ويحفظ لي اخواني. والله عمرهم ما حسسوني اني ثقيله عليهم او حمل سواء انا او اولادي
بعد طلاق 5 سنوات
أقولك حياتي الحين اجمل بكثييييييير والحمد لله مرتاحة ومبسوطه وما راح أعيد تجربه الزواج ابدااااااا
الحياه فيها أشياء كثيره حلوه
انا إنسانه بسيطه اي شي يسعدني ويفرحني
سعادتي مع اولادي وأهلي وعملي هذي اهم شي بالنسبه لي
راضيه بحياتي بدون رجل ولا أتوقع اني راح أعيد التجربه مره ثانيه
عرفت أهدافي والحين اذا ربي راد راح احققها وافرح بانجازاتي مع عائلتي

__________________
ريم نواف سابقا