مساء الخير ،،

ماعرف كيف أبدا لكن اعرف أني احتاج أتكلم ،،
سنة ونص على وفاة حبيبي سنة ونص وعيني ما تكف عن البكاء عليه
أصبحت الكبرى بعده مكانه خالي صوته سوالفه دائم بأذني بيوم وليله راح

أصبحت ضعيفه احس بنهياار داخلي ،،
أصبحت ملاصقة لوالدي ووالدتي خصوصا أخاف يروحون ويخلووني
أخاف اروح ولا يروحون وانا ماشبعت منهم ،،

رفضت الزواج. بكل من تقدم لي ساكن بعيدا عن أهلي ،
حصلت مشكله بين والدي واحد من اخواني مشكله عاديه
وكنت اخشى ع أمي من الضغوطات ،
والله من خشيتي عليها أصبحت طريحه الفراش لا اقوى ع شئ وارتفعت حرارة جسمي
وأبكي اغلب الوقت كانت مسافره يومين ورجعت وجلست ابكي بحضنها وهي مستغربه
قلت خايفه عليك وع صحتك لا تزعلين لا تتضايقين
لا تروحين وتخليني قالت ما بسافر وخليك ،، كان قصدي لا تروح من دنياي
ماقدر اعيش بدونها ،
حتى لما حكت لي عن ظروف عيال المرحوم جلست ارتجف يكاد يغمى علي
ووجهي شاحب وذبلت من كثر ماشلت هم الصغار وأمي تقولي أمسكي
نفسك قدام الناس اللي يشوفونك باين منتي ع بعضك ،،
طمني أبوي ولا تخافي عليهم ، تطمنت وصرت أحسن

قبل فتره تعب واحد من اخواني وكلمته وأقول بنفسي يارب
لاتحرمني من صوته يارب وبعد ماقفلت الاتصال جلست ابكي ،


مدري وش فيني صرت أخاف من نفسي على نفسي
احتاج جرعات إيمانية ولا جلسات نفسيه
ماعرف ايش احتاج ،،

__________________
اللهم أجمعني مع أحبتي في الفردوس الأعلى من الجنة ،،


[IMG]http://im67.***********/mg87DX.gif[/IMG]

[img]http://im81.***********/aTanJF.gif[/img]