أمس بعد ماصار الموقف حاول يهدي الموضوع معاي بس سكت عنه وطلعت رحت المشغل وتركت بنته معاه من بعد العصر إلى بعد العشاء يمشور فيها مرة عند جدتها مره ياخذها معاه للمسجد لحد ماداخ ولما جاء ياخذني قال بنتك تعبتني قلت برضه هذي بنتك أنا ماجبتها من برا وانت مسؤل عنها وبرضة حاول يهدي الأمور يبي الحال ينصلح وهو مااعتذر ع تصرفه تكلمت معاه ببرود ورسمية بس مااعتذرت منه لحد ماجاء في الليل مدري يستهبل ولا ايش حكايته قالي ايش فيك مو طبيعية قلت من تصرفاتك قعد يفلم علي قلت شوف من الآخر حقي ماراح أتنازل عنه ويومي اللي ضيعته اليوم بكره تعوضني عنه سكت مارد علي بس قالي أنت اليوم غريبة أول مره أشوفك كذا معصبة وحالتك حاله قلت كله منك أنت وتصرفاتك وتضييعك لحقوقي وصلتني لهالحالة أنا الاسلوب هذا مايعجبني بس انت الكلام معاك ضايع والنقاش بدون فايده طلعتني عن طوري وخليتني أتلفظ بألفاظ عمري مافكرت اقولها لأحد وبصراخ وقدام بنتي اللي انفجعت وصارت تتمسك فيني صار اسلوب الحوار بينا اسلوب حواري كأننا عيال في الحارة مابقى الا نتضارب ،، وهذا كله منك ،، قالي أنت غيورة قلت هذا حقي وأطالب فيه ماله علاقة بالغيرة وانتبه تستفزني مره ثانية ترا مااضمن ردات فعلي ماعاد اسيطر عليها. قال انا اعتذر منك بس ترا انا ماادري ايش ونفس الفيلم بس بسيناريو مختلف .. عاد نشوف اليوم العوض ولا سحبه .