انا زوجي مو بس معو جفاف عاطفي .. فيكي تقولي قحط عاطفي و الي عندو كلمة معبرة اكتر يايت تفيدني

صارلي تلت سنين متزوجة

جربت معو كل الطرق و الوسائل

جربت الحوار .. الاقناع .. المبادرة .بالدلع ث. بالانوثة .. بالرجولة. التمنع .. البكاء .. الصريخ .. المشاكل.. صرت جبلو امثلة واضحة .. ابدا مافي فايدة اطلاقا

بالاخير صرت احكي معو بصراحة و اطلب منو هالشي بصريح العبارة ..

مثلا قبل ما ينام احيانا بعملو مساج .. فبقعد بحكيه بكل براءة و ادب ^_^ .. بسالو حبيبي شو اكتر شي بتحبو فيني
بصير بغير مواضيع و يتهرب من الاجابة و كانو يالطيف عمبطلب منوو عيونو .. بالاخير من كتر ما بصر عليه .. بقلي هلا نعسان ما بعرف احكي اساليني هيك اسئلة وقت بكون صحيان .. بسالو نفس هالسوال الصبح الظهر العصر المغرب العشا ونفس الشي بيتحجج وما بجاوبني ..
حتى وقت العلاقة عمرو ما حكا كلام عاطفي الا وقت بجبرو بس بحس انو بلا طعمة لانو بردد وراي متل الببغاء .. كلامو بكون بدون مشاعر

بالاخير ياست

تعبت نفسيتي منو .. صرت بدون ارادة .. اهملت بيتي ابني .. عصبية جدا و على ادنى موقف اتحسس و ابكي.. صرت اخد حبوب اكتئاب

بالاخير توصلت لهالطريقة .. صارلي اسبوع مجربتا .. عمحاول ابذل كل طلقاتي العقلية بتخيل انو هالكلام من زوجي الي

حاليا مرتاحة جدا .. صرت نشيطة .. صارلي اسبوع متوقفة عن تناول حبوب الاكتئاب .. صرت هادية .. اعصابي فريزر

بس يمكن تكون هالطريقة متل ما حكت مهرة و ميمي مجرد حل مؤقت ..

لذلك انا رح جربا و مالي خسرانة شي باعتبار انو رسالتي الماجستير عن مشلات الحياة الزوجية و الاجتماعية

انا رح جرب هالحل لمدة ست شهور ع الاقل و بعدا رح سجل هالطريقة برسالتي و رح اعرض عليكم النتائج