يابنتي يابنت مكة ،،، اسمعي كلامي وكلام كل هالموجودين معنا بالمنتدى تعوذي من ابليس والزمي بيتك وزوجك وربي طفلكم القادم ، ترى هذا زواج وخلاص قرب للنهاية باقي طلقة واحدة ، ترى ابن عمك لو أخذك الحين ماهو زي أول ، بيقرف منك ومن طفلك اللي يذكره بأبوه اللي هو طليقك لا سمح الله ، وساعتها راح تندمي يابنتي، حرام والله الفرصة موجودة قدامك الحين خذيها لاتفوت عليك، ترى هذا زواج ماهو عناد وفرض راي وكلمتي تمشي غصبا عنك، لا يابنتي الدنيا ماتجي زي كذا، على فكره كل اللي هنا بالمنتدى مروا بتجارب سيئه خلال زواجهم وتعلمو منها وتجاوزوها، انتي كمان في يدك القرار، امسكي زوجك وطيبي خاطره وهو ان شاء الله بيطيب خاطرك، باين عليكم انكم من عوايل طيبة وخيركم كثير ، لاتخلون ابليس يدخل بينكم. بكرا تعيشوا سوا وتطوون صفحة الماضي وتنسونه . أدري اننا نسمع بس من طرف واحد اللي هو زوجك ويمكن لك وجهة نظر ومن حقك تقولينها وتخلي الناس تسمع وجهة نظرك بس عمرها الفضفضة ماتحل المشكلة، هذا بيتك وحياتك وأسرتك وانتو اللي راح تحلون مشاكلكم بنفسكم ، نحن هنا نقترح فقط ونقدم المشورة أما الحلول فهي بيدكم انتم فقط. صلي على النبي وتعوذي من ابليس وفي قصة بالنت عن طبيب أو حكيم صيني كانت زوجة تشتكي من زوجها فوصف لها الشاي الأخضر للمضمضه ، قصة جميلة تدل على الحكمة ابحثي عنها ستجدي فيها فائده بإذن الله، خليها فاتحة خير وعيد خير ، وعيدي على زوجك وارجعي له تراه سند لك، ولو مصرة ومستمره على اسلوبك الله يعينك على اللي بيصير لك لكن نصيحة تراك بترجعين للمنتدى وتقرين هالردود مرة أخرى وبتقولين ليتني سعت كلامهم، ترى كلنا عايشين حياتنا ، سواء استمر زواجكم او لم يستمر ، لكنم إما تكونوا أكبر الرابحين أو أكبر الخاسرين وعسى ربي يكتب لكم التوفيق والصلاح والذرية الصالحة يابنتي.