رد : ابنتي ترفض الذهاب لوالدتها ..
السلام عليكم
مشكلة بنتي مع امها للحين ما انحلت
لكن الحمد لله جلسنا جلست مصارحه وقالت لي السبب
المصارحه هذي صارت بعد ضغط كبير عليها
نويت الحج وقلت لها بحطك عند امك لين ارجع من الحج
رفضت وبكت قالت ما ابغى انام عندهم
قلت طيب انا بسافر لازم تروحين عند ماما لين ارجع
رفضت قالت ودني عند جده وعماتي
امي المسافه بيني وبينها اكثر من 1000 كيلو
وصعبه اوديها ماكنت ناوي
قالت لي ماما ماتحبني تحب اخواتي واخواني وانا لا
دايم تدلعهم وتضمهم وانا ماتضمني
انا جلست اقنعها ان كلامها غلط وكل ام تحب بنتها
بس هي مصره تقول هي ماتحبني عشان انت ابوي وهم ابوهم غير
وماتعاملني مثلهم هي تحبهم عشان ابوهم معاهم وهما عايله وانا مو من عايلتهم
طالت شكوتها
انتهى الموضوع بأني طلبت من اخوي ياخذها ويوديها لأمي
ووصيت امي واخواتي عليها
من لمن كتبت الموضوع الى الان ماشافتها امها وسفرتها بدون ماتسلم على امها
ومحد دق من جهة الام يستفسر
مدري ليش كانو متمسكين بالبنت والحين مهملينها
مارح اسوي ولاشي من جهتي غير اني اراعي نفسية بنتي واحتويها
امها مفروض تتحرك وترمم علاقتها ببنتها