هههههههههههههههههههههه
تعرفي يا جمانة
عنا مثل بيقول : ياللي زينا تعالو عنا
خخخخخ

كتير فكرت اعمل موضوع بهالقسم بنفس هالموضوع ... بس بصراحة انا فقدت الامل .. وما عاد افتش حلول
احكيلك قصتي المجنونة
هادا يا حبيبتي الزلمة ايام الخطبة كان طاير طيران ... زي قيس وليلى.. الله وكيلك مش مصدق حالو ... وتعالي شوفي بعد الزواج
عبارة عن صنم .. يمكن لو صنم كان حكى ونطق خخخخ
اول شي عمر زواجنا 9 سنين تقريبا .. ما شاء الله بلاش تحسدوني عالهنا اللي انا فيه ههههه
هادا يا حبيبتي بلش جفاف من اول شهر... سالت كتير واستفسرت كتير.. ياما بكيت ليالي وايام وياما تعبت ومرضت .. ولا على بالو ... بحكيلو زي ما حكت ميمي .. انو احنا النسوان بنحتاج العاطفة والاشباع العاطفي زي ما انتو الرجال بتحتاجو الاشباع الجسدي .. عفونا عاطفيا زي ما بنعفكم جسديا.. بس صدقيني لو الحيطة بتسمع كان هو سمع
كل مرة بشكي انو ليش طول الوقت صامت ... ساكت.. حتى حكي وفرفشة مافي.. بقعد احكي وانكت وابرم بالساعات وهو بيكون حاطط راسو بهالتلفزيون او عالموبايل ويهز براسو او بيكون مشغل المود على ضع اجابة نعم او لا على الجواب الصحيح هههههههه
مرة من المرات في عز ضعفي و حزني.. سالتو انو ليش هالقد جاف وبارد معي.. طلعت معو جواهر بالحكي.. يوم فكر يفتحلي قلبو فتحو بالشقلوب خخخخ ... حكالي يمكن لو تنحفي شوي ببطل انفر منك .. طبعا كنت والدة جديد وكنت زايدة وزن كتير بحكم انو حملي كان حرج وكنت ملزمة بالسرير طول فترة الحمل.. قمت انا صدقتو ودخلت في كفاح مع نفسي... رجيم ورياضة زي المجانين ... نزلت 30 كيلو في سنة ورجعت انحف من يوم عرسي حتى ... فكرك في شي اتغير? ابدا .... زي ما هو ... رجعت ضعفت وتعبت من جفافو .. رجعت سالتو شو السبب.. بشو انا مقصرة? حكالي مافي شي بس حبك راح من قلبي ماني قادر ارجعو ... يمكن لو تغيري شخصيتك اقدر احبك ... طيب يعني لا شكلي لا شخصيتي عاجبينك ومافي بقلبك مشاعر الي ... طيب ليش بعدك معي?? حكالي لانك عقلك كبير وبتتحملي المسوولية مو متل هالبنات الدلوعات ... شفتي ما احلى هالغزل ???
صدقيني مرة رحنا على احتفال للشغل تبعهم ... وهم شغلهم مختلط وهون البلد فيها الاختلاط شبه عادي... ندمت اني رحت معو .. تعرفي ليش? شفتو كيف بيضحك وبيحكي مع الناس ومع زميلاته .. وكيف بييجو يضحكو وينكتو معو ... وانا معي زي التمثال.. ما بيتزكرني غير وقت النوم يا عمري... لا والادهى والامر انك تكوني طول اليوم معو زي كانكم اخوة .. وفجاة بالليل يصير بدو اياكي تتفاعلي معو زي العشيقات ههههههه
الخلاصة ... انا زهقت وبطلت افتش عن حلول ... اتعلمت احب نفسي واعيش لنفسي وادللها طالما مو لاقية مين يدللها ... ما بخفيكي اني كتييييير ببكي وبحزن خصوصا لو شفت منظر بمسلسل ولا على ارض الواقع لازواج بيحبو بعضهن .. علما اني ما بتابع مسلسلات بس يعني مرات الواحد وهو عم بيقلب التلفزيون بتيجي لقطة هيك ... بتحسي حالك زي العزابية بالزبط ... بس العزابية لسا عندها فرصة .. عندها حق تحلم بفارس احلام يحبها .. بس احنا ما عنا حتى حق انو نحلم .. لانو المفروض انو لقينا الفارس.. بس للاسف طلع فارس الصمت هههههه
بتيجيني لحظات ببكي واتالم واحضن نفسي قدام المراي لاني مو لاقية حضن دافي غير نفسي ... مرات بحضن اطفالي ... وبالاخر استسلمت وقلت يلا ... الحمد لله عكل شي... زي ما هو بيقول.. انو زوج صالح بس لانو ما بيضربني او يهينني ... هادا هو الزواج الناجح بالنسبة لهالرجال..
الحمد لله على كل حال
اعملي زيي جمانة ... انا بخصص يوم بالاسبوع ببكي فيه عحالي.. وبقعد اتحسر عحياتي الناشفة زي اللحم المقدد خخخخ ... وباقي الايام بحاول اكون شاكرة للنعمة اللي انا فيها وبقول الحمد لله في ناس وضعهم اسوأ...
النتيجة: ما اظن في شي رح يتغير .. الزلمة يا بيكون رومانسي يا لا
وزي ما كان جدي الله يرحمو يقول: عمركم شفتو صياد بيطعمي السمكة بعد ما يصيدها?
طبعا لا هههه
هدول يختي صادونا خلص... وما عاد يطعمونا ... وقعنا وما حدا سمى علينا هههههه