لما تركتي ولد عمك وفسختي خطبتك تركتيه عن قناعه؟؟

تزوجتي أخونا لرغبتك فيه ولا عشان تقهرين خطيبك السابق؟؟

ماأذكر بالضبط تفاصيل حكايتكم لكن هاذا السيناريو إللي جاء في بالي

تصرفاتك تدل إنك تبين تطفشينه عشان ترجعين لولد عمك وفي نفس الوقت حاسه بتأنيب الضمير بسبب تعامله الطيب معك

أنا ماأدري كيف تزوجتي أخونا أبن مكه وكيف واجهتي أهلك وهل كان بينكم سابق معرفه أو لأ

إذا هم رافضينه من البدايه ليه زوجوك؟؟

مو كان الأولى فيهم مايزوجونك إياه مو يجون الحين ويبون يطلقونك إلا لو إنتي مبينه لهم إنك تبين الطلاق

وحابه إنها تجي من أهلك مو منك

ماأدري في شي فالموضوع بجاحة ولد عمك وإستسلامك يتركون علامات إستفهام

مقارنتك بين حياتك وحياة أخواتك شي يزعل صراحه إذا إنتي منتي مقتنعه بهالزواج خلاص لا تأذون الرجال

ردي له مهره ويطلقك لكن بالمقابل تحملي نتايج أفعالك ونتائج إستسلامك وتركك أبوك و ولد عمك يقررون حياتك

فكري زين الرجال حارب عشانك وصبر وتحمل وشاريك لاتفرطين فيه مو كل يوم بتلقين شخص يتمسك فيك

ويتحمل إللي هو متحمله و ولد عمك ذا مهوب رجال ولا فيه خير إن تركتيهم يقررون حياتك أعرفي إن عمرك كله بتكونين أسيره لهم

لا لك إحترام ولا رأي و لا كلمه دافعي عن حياتك وبطلي سلبيه مدامك عايشه بخير وربي رزقك بالزوج الصالح وش تبين أكثر

وأهلك أوصليهم لكن من بعيد لبعيد وبيتك حافظي عليه ولا تقارنين نفسك بغيرك ولا تسمعين كلام إللي بيخربون حياتك

لاتنسين بكل صلاة تدعين اللهم إنا نجعلك في نحورهم ونعوذ بك من شرورهم اللهم أكفنيهم بما شئت

الله يصلح حالكم ويهديكم ويكفيكم شر من به شر