اسمحي لي اختي بأن اقول لكي :

قرارك بأن تجعليه رومانسياً قرار متسرع وخاطئ

مالم تجاوبي على السؤال اعلاه وعلى الاسئلة التي تاتي بعدها



واسمحوا لي بأن اجيب على هذه الاسئلة من مخيلتي مالم تتجرأ وحدة فيكم وتكتب لنا اجاباتها (طبعاً الرجال غاسل يدي منهم بعد مارأيت عدم تجاوبهم معي في موضوع "الرومانسية (التمثيلية الصادقة)")


نبدأ الأسئلة :

س :لماذا تريدينه رومانسياً؟

ج: لكي يبادلني رومانسيتي - لكي يروي عطشي الرومانسي - يعفّني بالحلال - يملأ فراغي العاطفي



س: عفواً لم افهمك، هل من الممكن توضحي اكثر؟

ج: (هههه رجال وش فهمك بالرومانسية) اريده ان يمدحني - يمدح اختياراتي في اللبس، الماكياج،الطبخ، وغيرها(سواء كانت صحيحة او خاطئة) وبالتالي هو يعبر عن حبه لي ومن ثم يتم اشباع غروري وبعدها انا واخلاقي.



س: كيف انتي واخلاقك؟

ج: طبعاً انا راح اعيش الجو واصدق نفسي وبعدها يااتغلى عليه اكثر واكثر واصدق نفسي واغار عليه من النسمة الطايرة وسأضعه خاتم باصبعي

او

اعيش اللحظة وانبسط واكون انا خاتم باصباعه وفي كلا الحالتين راح اغار عليه من النسمة الطايرة



س: خلينا نرجع لجملة "يعبر عن حبه لي" اللي حصرتيها بالمدح وكلمات الحب والهيام، هل سبق وعبرتي انتي عن حبك له؟

ج: الى مالانهاية ولكن بدون فايدة، زوجي جدار(حائط) (بعيد عنك) ولا تحركت منه شعرة واحدة.



س: اعطيني امثلة؟

ج:كتبت له اشعار وكلمات حب على ابواب الدولاب - رسمت له شفايف على مرآة الحمام - ارسل له رسايل غرام وشوق ووله - اشتريت له هدية " قلم" وضعتها داخل علبة هدايا عليها صور قلوب من الخارج ووضعت بها ورود مجففه من الداخل ورششت عليها عطر ثم وضعت القلم وبعدها احضرت قصاصات من الورق وكتبت عليها جمل حب قصيرة مثل "احبك" "الله لايحرمني منك ياسوسو(اسم الدلع لزوجي)" وغيرها من الكلمات وبعدها غطيت العلبة وغلفتها بورق هدايا حلو وحطيت شريط بلون احمر والصقت بطاقة هدايا وكتبت فيها " كل عام وانت الحب" مع شوية قلوب.



س: حلو، وش كانت ردة فعله؟

ج: بالنسبة للدولاب ومراية الحمام قال: ارجع من الدوام القاها نظيفة! وبعدين وش يقولو العيال عنا لما يشوفو الشفايف المرسومة في مراية الحمام!!!!!



س: طيب والقلم؟

ج: آه من القلم انا مدري فين كان عقلي لما فكرت بهذي الفكرة الغبية مالت علي؟



س: اوف ياستير يارب وش حصل؟

ج: رجع البيت وغير ملابسه وبعد ماطلع من الحمام الله يكرمك راح غرفة المعيشة وانا رحت له طيران والدنيا عندي كلها الوان وردي وفوشي وعطور فواحة من تخيلي لمدى فرحته بالهديه اللي انا مجهزتها له، المهم رحت لقيته جالس مشغل التلفزيون وبيده الجوال فاتح برنامج تواصل اجتماعي.

قلت له: حبيبي كل عام وانت بخير.

رد زوجي: اما جاء العيد؟ بدري عليه؟

انا: كم تاريخ اليوم ؟

زوجي: 15 مدري 16 شعبان يعني لسى باقي شهر ونص على العيد!

انا: التاريخ هذا مايذكرك بشي؟

زوجي: غزوة من غزوات الرسول اللهم صلي وسلم عليه!

انا (وقد بدأت تذهب الروائح الفواحة من مخيلتي وهرب اللون الفوشي وبقي فقط اللون الوردي وقد اصبح فاتحاً) : تاريخ زواجنا ياحياتي !!!!

زوجي: ههههه خوفتيني حسبت ان فيه مناسبة والناس تبارك لبعض وانا ماادري واخرتها طلع تاريخ زواجنا! متأكدة من التاريخ؟ ماشاء الله حافظته! مع انه مكتوب عندي ببطاقة العائلة بس عمري مافكرت اني احفظه او اشوفه، خلاص زواج واتزوجنا والحمد لله واهيني صابر عليكي ههههه.

انا (بعد مااختفى اللون الوردي واصبحت اشوف بالالوان الواقعيه): جبت لك هدية بهذه المناسبة حياتي.

زوجي: على حساب مين؟ ماقلت لك ان ميزانيتنا تعبانة؟! وبعدين متى رحتي اشتريتيها؟!

انا: لاتخرّب المفاجأة.

زوجي: ايش الهدية.

انا: شوف بنفسك

زوجي: وين؟

انا: دوّر بالغرفة، منت شايف شي غريب (مخبأتها داخل مكتبة التلفزيون).

زوجي لف بعينه لفة سريعة وقال: يوووه حنضيّع اليوم في البحث والتحرّي عن الهدية!!
يللا قومي جيبيها وفضيها سيرة.

انا قمت اجيبها لها وقد فقدت الابتسامة : اتفضل ياحبيبي.

زوجي : طيب افتحيها.

انا : افتحها بنفسك ورميتها عليه (خلاص صرت اشوف الدنيا بلونين فقط لاثالث لهما الأبيض والأسود)، ونزلت دمعه لااراديا من عيني.

وقتها زوجي شعر فيني وبعد الجوال عنه وضمني وحصل اللي حصل يااستاذ!


س: ماذا حصل؟

ج: أنظر هنا ( وأشرت باصبعها نحو بطنها المنتفخه (الاخت حامل بشهورها الاخيرة)).



س: والقلم؟

ج: اخذه الولد للمدرسة بعد مالقاه مرمي على احد الطاولات.



س: طيب خلينا نرجع لقصة "التعبير عن الحب" ماقد عبر زوجك عن حبه لكي؟

ج: لا



س: ابداً؟

ج: ابداً



س: يابنت الحلال دوّري يمين يسار ؟

ج: ابداً



س: ماقد اعطاكي فلوس - ماقد وداكي مشوار - ماقد اتحمل ثقالة دمك عفو اقصد ماقد تحمل اخطاءك - ماسوى شي طيب في حياتكم الزوجية؟

ج: شوف يااستاذ انا ماانكر انه انسان طيب وحنون وكريم ومواقفه حلوة معي ومع اهلي واكرم ابوي وامي واخواني كذا مرة ولكنه في الرومانسية ميح.



س: اذن انتي تقرّين انه يحبك ؟

ج: اقولك مايدري عن الرومانسية، هي في وادي وهو في وادي ثاني.