رد : (مميز) زوجة معدد؟ ...... تفضلي
اقتباس:
المشاركة الأصلية كتبت بواسطة مهره
الخوف يا خالو.
الخوف إن المشكلة تكبر.
الخوف إن اللي بافكر فيه أو باحس بيه أو لسة مش متأكدة منه يطلع حقيقي.
الخوف إنه ما يعترفش ويكابر.
الخوف أسمع كلمة توجعني
الخوف إن المشكلة تتطور لدرجة ما ينفعش أفضل بعدها.
|
طيب يامهره انا كده مش حعرف ايه اللى جواكى وايه اللى مضايقك ..
كمان احنا لازم نقول ومانشيلش جوانا
بس على رايك .. فعلا
الخوف
الخوف هو اللى بيمنعنا
واعتقد مش الخوف بمعنى الجبن انما ايثار السلامه ..
الواحد لما بيطلع اللى جواه بيلاقى ماسورة مجارى ضربت فى وشه .. مدفع سريع الطلقات
فنحط جوانا ونسكت
ومره على مره الجدار يعلى لغاية مايسد كل منافذ الحوار ..
مشكله فعلا ..
عارفه انا ساعات باحاول اقرب والمسها او اكلمها كويس
ايه اللى بيمنعنى ..
كلمة ايه اللى فكرك .. اشمعنى دلوقتى .. انت ناسى عملت ايه وشريط الذكريات اللى بيتكرر كل مره فالواحد يقول لا نام احسن