زوجي يسمعني كم كلمة غزل عالسرير ويقول لي انه رومنسي اكثر مني..

الرومانسية عندي مو ورد وشموع وغزل

رومانسيتي هي تناغم الاحاسيس ما بينا .. مثل رقصة باليه مزدوجة او معزوفة تتكامل وتتصاعد وتنخفض انغامها من غير نشاز وتقطيع

لما اجي له مشتاقة يفتح لي حضنه ويحتويني

لما احزن يحس فيني ويمد يده يمسح دموعي

لما اتعب يراعيني

لما اخاف الاقيه يطمني

اذا كلمته يفهمني ..

وردات فعله تنسجم مع مواقفي مو شرط توافقها بس تكون على قدها عشان نوصل لنهاية سعيدة

شي رغم انه صعب وكأنه حلم .. لكن واقعي


علاقتي بمديرتي رومانسية جدا مرة قلت لها انتي زوجي الروحي

انا وهي متفاهمين ومتفقين كثير رغم اختلافنا حواراتي معها ايجابية .. ما احتاج اكمل جملتي تهز راسها بنص كلامي واعرف انها فهمتني .. ما نبرر كثير لبعض..
تحس فيني وترسل لي الكلام اللي احتاجه في وقت اكون مو متوقعة ولا منتظرة احد يحس فيني..
وانا اعرف اسمع لها وافهمها وبكثير اوقات احس بحاجتها لي واتصرف عنها
بدون ما تطلبني .. احيانا نتصادم نشد في الحوار بس بسرعة نوصل لاتفاق ..

جو التفاهم والاحساس ببعضنا اللي يصير بينا .. هو منتهى الرومانسية اللي اطلبها والحمد لله ببلاش..

مدري ليه انا وزوجي ما نصير كذا .. مع انه الحمد لله في تقدم عن اول بكثير.