رد : على حافة الطلاق .. فهل اسقط ؟؟
اقتباس:
المشاركة الأصلية كتبت بواسطة مكلومة
أحس صراخ زوجك وعصبيته ناتجة عن تراكمات بقلبه،
أنا ما أبرر له ضربه لك،هو غلطان،
بس ارجعي حاسبي نفسك وانتقدي اسلوبك وتصرفاتك
يا أختي ماعندك الا طفل واحد وزوج،مع ذلك مقصرة وزوجك يعاني،
أجل لو جبت 4 وش بيكون حالك،؟
النظافة جيبي واحدة مرة أو مرتين باﻷسبوع،تنظف لك بيتك،
جيبي غسالة صحون ،
جيبي غسالة فل أوتوماتيك، مع التنشيف الكامل،
جيبي الكواية اللي تنطبق،
أنا مدري كيف تدبرين أمور بيتك بس لازم تشوفين موطن الخلل وتعالجينه،
لا تستفزي زوجك ولا تراددينه،
دوري مواطن رضاه وراحته وسعادته،
أختي اجلسي مع نفسك وصالحيها،ربما أخطاء زوجك ناتجة عن أخطائك،،لا تكبرين القصة وتوصلونها للطلاق،راح تندمين ﻷنه واضح عليك تحبينه،
اهدي واتركيه يهدأ و يراجع نفسه،
سؤال: كم لك ببيت أهلك؟
|
جزاك الله خير يالغالية
صار لي حاليا اسبوع و نص .. و لا سؤال من جهته و لا اهتمام و لا انا بعد .. انا حذفت ارقامه نهائيا من جوالي ابي اعيش دور و استعد اني مطلقة..
انا ما برأت نفسي يا اختي .. انا بعد فيني عيوب اكيد و جانب التقصير واضح فيني ما خبيته
لكن مشكلتي وياه الاهانة المستمرة اللي جاوزت مداها الى الاهانة باللسان و اليد امام الغير
علما باني ذكرت في بداية حديثي اننا رحنا بيت اهله بدووون اي مشاكل سابقة معاه .. بس هو منتفش مدري وش فيه
لكني حاولت احلل سبب نرفزته اللي ما اعرف لها سبب
و توقعت هذا السبب و قصيت الحق من نفسي
بالاضافة الى كلامه امام والدته
و انا الى الان لست متأكدة و لا اعرف سبب عصبيته .. ممكن يطلع متهاوش مع واحد مثلا ..