رد : تعبت من مزاجيتي وزوجتي تفهمني غلط دايم
عليكم السلام ورحمة الله وبركاته
أنا تعديت خمس سنوات زواج ومازلت مع زوجي مثل زوجتك لكن خفيت عن أول سنة
وأتوقع إنه حساسيتي هي المشكلة فما بالك بشهرين فقط !!
الحمد لله مادام الحب والإحترام موجود كل شي يهون بعده
وبقولها لك وبكل صراحة الحمل الأكبر عليك في البداية والحل سهل وبسيط بإذن الله
أول شي حاول تقنع نفسك قبل إنكم شي واحد وهدفكم واحد وزوجتك ماراح تقلل منك
حتى لو كنت طيب وحبيب معها ( بعض الرجال يتوقع إنه إذا كان طيب مع زوجته راح تتكبر عليه وماتحترمه )
وهذا خطأ للزوجة الفاهمة العاقلة لأنها تدري إنه ماصار زوجها كويس معها إلا لأنها تستاهل كذا
لازم تتكلم معها بأوقات الروقان عن كل شي تحبه وتهام فيه وتتمناه بشكل عام يعني
تتكلم عن نفسك ومزاجيتك خلها تفهمك أكثر وتعرفك أنتم في مرحلة تعارف خسارة تروح أنت ساكت ومتضايق
وهي زعلانة الحل متأكدة منه 100٪ إنكم تتقربون أكثر بالحوار والتعارف بشكل أعمق
طريقة تعاملكم الآن ومحاولتكم للحل ورغبتكم قبل كل شي بالإنسجام والتفهم هي الأساس لباقي حياتكم
بإذن الله .
أنا مؤيدة لك أبدًا مو حلوه تطلع مشاكلكم لأي أحد هذا اعتبرناها مشكلة الحين !
وحتى لو كان شي أكبر من كذا خلوها قاعدة بينكم مشاكلكم ماتطلع برى بيتكم أريح شي لكم
ربي يسخركم لبعض .