منتدى عالم الأسرة والمجتمع - عرض مشاركة واحدة - ارغب بإجابة صريحة .. ليش كيت ؟
عرض مشاركة واحدة
قديم 05-10-2014, 05:38 PM
  #5
فأل أخضر
عضو مثالي
تاريخ التسجيل: Sep 2014
المشاركات: 545
فأل أخضر غير متصل  
رد : ارغب بإجابة صريحة .. ليش كيت ؟

ما كنت حابة أدخل
بس هاك :

أختي اللي فوقي بسنتين كان وزنه 80 و زيادة ،
و نساء قبيلة أبوي كل ما شافوه كشوا " ياحول متينة ؟ " و كذا .
المهم
بعد ما تخرجت ملت من البيت قامت جابت آلات وقامت تلعب سبورت على السير و بانتظام يومي و غيرت نظامه الصحي ،
المهم ما مرت سنة ونص تقريبا إلا وطاح من جسمها 20 كلغ - قولو-ــن ماشاء الله تبارك الله - ،
قبل كانت الرياضة ممكن عشان توصل للرشاقة بس بعد ما استمرت عليه حبته وكان له أثر نفسي إيجابي - وهو كلام العلماء- ، و غير كذا انشد جسمه شوي مب زي اللي تسوي ريجيم تخفيف أكل بس ،
هذا بالإضافة إلى لياقته يعني برمضان و الأعياد حنا بيت الجد وماعندنا خادمة بس نسستقبل ونودع حتى لو استقبلناهم ببيت أختي نصير نقوم بالعزايم ، أنا بس اشتغل شوي أطيح أتعب ، وهي تقدر تتحمل مع التعب ، فعشان كذا ناوية ألعب سبورت و آكل صحي مثلها ، لفائدتي الشخصية مب عشان أحد.

المهم ...
بعد ما نحفت و أنا خفيت شوي - كان عندي اكتئاب بسبب ضغط الدراسة مب ريجيم ولا فكرت به أصلا، ماتهمني خرابيط الحريم- كنت 64 ووصلت تقريبا نص الخمسينات ، صارت جمعة كبيرة بحضور ذوليك الحريم، بعدين بعد ما خلصت المناسبة جت حرمة تسلم قالت :
" ما شاء الله كاشخات ؟" < ماتبي تقول " محلوات " .
جاملته وشكرته تملقت كذا وسلكت .
جت وحدة ثانية صكت و جهه تقول لأختي الكبرى أم عيال : - تقصد أختي اللي هرجت عنه -
" وراه فلانة ناحفة طاقه الهم ؟ " !


الخلاصة :
رضا الناس غاية لا تدرك .
و خاصة مجتمع الحريم توقعي أي شيء ^_*
< " ياليتني رجل " بقلبي دايم بس محب أقوله يطلعونن مرضى القلوب مقصدي منه بلاء و لا شيء.




التعديل الأخير تم بواسطة فأل أخضر ; 05-10-2014 الساعة 05:43 PM