بعد ماطلبت الطلاق ووافق لميت كل اغراضي من البيت وانا ابكي وهوه ابدا مافكر في اي خطوة لتهدئ مسار الموضوع

لا تلوموني لما طلبت لطلاق منه

أنا قلت له شروطي قبل الزواج واهلي فهموه اياها وبحظور اخوانه وقال موافق
قلت ابيه يصلي بالمسجد
دخان ما ابي
وظيفي وراتبي ماله علاقه فيها

هذي شروطي اللي وافق عليها يعني هوه الي أختار التغير مو أنا اللي أجبرته كان قدامه خيار انه يوافق أو يرفض
وعلى فكره اهله كانوا فرحانين انه بيتغير وقبل بهذا الأمر

اللي حصل بعد مالميت عفشي قالي أحجزي وروحي لأهلك
قهرني زياده والله ما طلبت الطلاق من شطارة بس هوه حطني في ضيق ماله مخرج

المهم انتظرته لين خرج مع ربعه في الويكند واتصلت عليه وهوه معاهم برا المنطقه اللي احنا ساكنين فيها

وفتحت معاه موضوع الطلاق مرة ثانيه قال بالطقاق
وهنا طلعت الجنية من راسي
قلت طق الله كبدك
حسبي الله عليك
الله يحدك على ضيق ويبلاك بغبينه تذوقها صبح وليل كل ايام عمرك مثل ما كذبت علي وغبنتني
رح الله لا يوفقك .....
وقلت كللللل ملاحظاتي عليه بزعل وبحده وهوه كمان طلع اللي بخاطره

خلصت منه واتصت بأهله وقت لهم على الموضوع وقلت ذا ولدكم وذي فعوله ولا عاد اصبر عليه ولاكن وربي لأدعي عليه مابقي من حياتي

وتدخلوا وجوني يطلبوني اهون ونصلح اللي بيننا
قلت لهم جاوبوني أنا ظلمته ؟ انا حملته فوق طاقته ؟ أنا كذبت عليه ؟ قلوا لا أبدا يشهد الله ما بدر منك ظلم ولا تحميل فوق الطاقه ولا كذبتي عليه .
وبعد مفاوضات كثيييييره
وافقت أقعد معاه تخيلوا هوه ما تفاوض معاي ابدددددددد
ما كنه صلح شيء
دخل البيت وسلم وجلس يسولف وينكت ويخفف دمه وانا وربي خانقتني العبره
بعدين بدينا نتكلم عن الأخطاء اللي بيننا
ووعدني يتغير ويصلح تقصيراته بس طلب مني أمور فووووووق طاقتي ...ورفضتها
وهذا أحنا نقضي اول شهر بعد الأتفاق والله ولي التوفيق