هلا مهرة ...
الحنان كلام الحب الي ينقال والتأكيد إنكم غالين وأحبكم واجد ,
الأحضان وما أدراك ما الأحضان,
المسح على الرأس ،
الضغط على اليد ,
وحتى نظرات العيون ...
يحط راسه على حضنك وانتم عند التلفزيزن وتمسحين عليه ..
الاهتمام
موعد نومهم , لبسهم , تغذيتهم , تمشياتهم, تطويرهم ، التخطيط لمستقبلهم , الجلوس معهم مدة مناسبة لين هم يشبعون وسماعهم , أتذكربنتي لما ترجع من مدرستها تتكلم كثير عن جميع الأحداث وكانت مملة بالنسبة لي تقريبا بس حاولت أعيش جوها واسمعها لاني لا حظت لما احنا من داخل نجبر نفسنا نسمعهم ونحس انا نجحنا الا انهم يوصلهم انك غير مستمتعه بالسماع , وترى يا بنات أشغال الدنيا ما تخلص اجلسي مع أولادك واسمعي لهم أكثر أجرا لك وأكثر نفعا ..

يعني الحين (الأطفال الآخرين) لما تتعاملين معاهم تحسين بالاطفال الي أمهم تعتني فيهم ومهتمه..
ما شاء الله فيه أطفال دائما يلمعون أظافرهم مقلمة, تحت بدلهم فنيلة. شراباتهم, بعض عبايات البنات الي بمتوسط قديمة ورثة وتلقين الأم من عباية لعباية وأنواع أشكال ومش مهتمة أو مش موجهه البنوتة الي عندها لعبايتها ..
عندي صديقة دائما تتكلم عن زوجها وش سوت ووش حطت له وبدلة الرقص الي شرتها وأشياء كثيرة ,, مرة من المرات قلت نوال بقولك شي بس لا تزعلين مني عيالك وينهم في حياتك ليش الإهتمام الأول للزوج , وافقتني ووعدتني بالتغيير..

فيه شي تمنيت إني سويته مع أولادي ...
الي هو انك تعرفين ميول الولد المهنية والفكرية يعني الشي الي يبدع فيه ويحبه وتعمدين إلى تنميته فيه عن طريق عدة منافذ , يعني كأنك أقولك تخططين لمستقبله ..بيكون سهل عليه دخول القسم الي يبيه وبيكون عنده هدف قدامه ولا يعيش التشتت والتردد الي نشوفه عند بعض الشباب ..