انا مو مثالية عندي سلبيات مثلي مثل غيري بس أنا حليمة وارخي الحبل للآخر وهذا طبعي وتعاملي مع الكل ونفسي أغير هالطبع أتحمل لحد ماأنفجر وهالشيء غلط .. اذا ع الحكي والنقاش مع زوجي حكيت وتكلمت وناقشت لحد ماتعبت بدون نتيجة لسببين الأول :زوجي النقاش والكلام المنطقي والأسلوب الراقي في الحوار مايأثر في زوجي ماأقولك انه مايعجبه هالأسلوب بالعكس هو يقدر فيني هالشيء ويحب طريقتي في طرح الموضوع واحترامي للطرف الآخر لكن يبدو لي انه مو متعود ع هالشيء متعود ع الصراخ والهمجية وتبادل الاتهامات باختصار ع القوة في انتزاع الحقوق.
السبب الثاني : شخصية زوجي سبق وعملت له تحليل من خلال بوصلة الشخصية انه جنوبي شرقي يعني اليوم عنده بسنة اذا اطلب شغله مايقول لا لكن ماينفذ واذا نفذ يكون تحت الضغط مني أو من عوامل خارجية..
شخصيتي شمالية غربية وفيني بعض من سمات الجنوبي .. مشكلتي انسانة منظمة واذا اعطيت كلمة لازم التزم فيها وانتظر من الطرف الاخر سواء زوجي او غيره انه يتعامل معاي بنفس الاسلوب اتحمل المسؤولية بشكل كبير وهذا اللي متعبني دائماً يرمي علي الاخرين بمسؤولياتهم وأتحملها أنفذ بدقة شديدة أي شيء أقدر ظروف غيري و أوجد لهم الأعذار بمعنى أدور الكراسي وأحط نفسي مكانهم حنونة واذا لمحت لحظة ضعف من إنسان أو نظرة ألم وإنكسار أو حتى تعرض لموقف محرج أحزن عليه وتقعد في بالي فترة طويلة وأحاسب نفسي ع الكلمة ومستحيل أجرح انسان مهما كان قربه او بعده عمره جنسة .. رومانسية وحالمة أحيان كثيره..
أتمنى إني أنانية وماافكر إلا بنفسي ومصلحتي أتمنى اني اقدر اجرح وأكسر غيري عشان اخذ حقي بهالحياة ..

اكتشفت انه لاشخصيتي ولاشخصية زوجي تنفع للتعدد .. انا بيروح علي حقي وزوجي مايقدر على اخذ حقه ..

لكن فرج الله قريب