والدي الكريم .. رجل الرجال ..

اعتذر الصراحة عن الخطأ الغير مقصود ..

.
.

أنا يوميا افتكر أبوي الله يرحمه ، و أمي الله يرحمها ..

لكن معذرة ، أتوقع إنه شي نفسي .. مرات ما اكتب ( الله يرحمهم ) ..
حتى أكذب على نفسي و أشعر إنهم مازالوا أحياء ..
احتمال هو هذا السبب اللي خلاني أنسى .. و ليس استهتار أو عدم تقديري لمقام أبي يرحمه الله

أفتكر بعد وفاة أبوي الله يرحمه ، كنت و لمدة عامين أقل شي ..
ما أقول غير ( أبويا و أبويا ) .. قالت لي صحبتي ( كانت تفتقد للأسلوب في الحديث )

قالت لي ( قولي - الله يرحمه - ) ، لإنها لاحظت أبدا ما أقولها ..
و ما كنت منتبهة على حالي ..

جلست يوم كامل أبكي ، و حسيتها صعبة على لساني إني أنطقها ..
و مازلت أجد صعوبة .. و ألم يصيبني لما أكتب أو أقول ( الله يرحمهم ) ..

.
.

فالمعذرة ..

لكن راح انتبه المرات الجاية ..

.
.

أنا متحمسة جدا لكتابة ما طلبته مني ..
لكن أعذرني عن التأخير .. لإني ما ألاقي وقت وسط الأسبوع و بالي مشغول
و خاصة أول أسبوع بعد الإجازة ،. فانتظر يوم الخميس بإذن الله ..

لكن مع نفسي ، لما أجد وقت بسيط .. بأفكر و استرجع الأحداث قدر المستطاع ..

لي عودة ..