ﻻ حول وﻻ قوة اﻻ بالله ... عارفه الوضع كله غلط في غلط انتو كثرتوا كﻻم عنه بينكم وطيرتوه السما انتي اتعلقتي فيه اكثر واختك اتعلقت فيه بعد يظهر كنتوا تتكلموا فيه كثير واختك صغيرة وماتعرف جدية الموضوع انها تحب طليق اختها و وجوده معكم في كل مجلس خطأ و اخوانك ينقلون اخباره لكم شي صعب الحقيقة حتى لو تبغين تنسيه ماراح تقدرين والكل يذكرك فيه ... رايي من الخطأ جدا ان اختك ترتبط فيه ومشاعرك مبرره تماما خصوصا انك تحبينه . اهلك انجبروا يوافقون عليه خلاص اصبح الوضع امر واقع مالك اﻻ الله تعالى تدعينه ينسيك اياه وتحاولي تتصالحي مع اختك اللي قلتيه في حقها كبير جدا صحيح هي اخطأت بزواجها من طليقك وهي عارفه مشاعرك تجاهه لكن يظهر انها صغيرة وماهي مدركة خطورة الوضع فلازم تصالحيها اعمالك ماتعرض على الله تعالى بسبب هجرانك لها قوليلها انك مو في وعيك ووابكي عندها سوي اي شي حتى ترجع علاقتكم زي اول مالكم الا بعض بعد عمر طويل لامك وابوك انتم عزوة لبعضكم وبعدها امنعي اي كلام عنه امامك للتخلي احد يجيب طاريه لا بالخير وﻻ بالشر ابدددا اطلبي من والدتك تفهم ابوك واخوانك هالشي هذا راح يساعدك تنسيه .. بعد ذا كله يا اختي العزيزة اللي خلقه بهالمواصفات خلق غيره بتلاقي مثله واحسن منه ﻻزم تتزوجين وتكملين حياتك مع رجل اخر يخاف الله فيك وفي اوﻻدك وتأنسين به ويأنس بك اﻻ ماينفتح قلبك على شخص اخر حبيتي مره ممكن تحبي مرة اخرى كمان ﻻ تيأسي من رحمة ربك المؤمن مبتلى وهذا ابتﻻءك في الدنيا احمدي ربك كثيرا عليه غيرك مبتلى بمرض ﻻ يرجى برؤه و اللي مبتلى في سمعته واللي مبتلى في الحرام واللي مارزق بذريه واللي ماتزوجت ووووو .. انظري حولك واحمدي ربك ابتﻻءك ماكان في صحتك وﻻ في دينك ... انتي مطلقة مرتين و يأتيك خطاب فهذا شي ممتاز اقبلي بصاحب الدين والخلق واسئلي عنه جيدا اليوم يأتيك خطاب بكرة ماتعرفي يجي احد وﻻﻻ صدقيني عﻻجك زواجك باخر تنشغلي معاه وتاخذك الدنيا بعيدا عن ذكريات الماضي ... انسي الماضي تماما اخترتي اﻻودﻻد وربك رزقك بهم يمكن لو جلستي معاه ماكان حملتي .. حاولي تغلقي باب الماضي وهو شي صعب جدا لكن حاولي وافتحي الباب لشخص جديد يدخل حياتك ويضيئها حبا وامان وتكملي معاه باقي حياتك ... الله معاك