اعفوا ما قريت الردود المتاخرة الا بعدين..
mitla3wizah شكرا على مشاركتك وبالفعل اذا فكرت بموضوع مشاعري تجاهه يتعبني اكثر بس هذا شي احيانا ما اقدر اشيله من راسي ويظل ملح الى ما ينتهي ..
اخي رابع صحيح مو لا زم الحب بس انا قلت حلول تساعدني او تخفف عني او تحرك مشاعري ومسالة الصحابة ما نقدر نلحقهم ونصبر صبرهم بس ترى عمري ما قته انا ماحبك بل العكس احسسه دايم اني متمسكة فيه الى اقصى درجة بس نفسيتي بسبب مشكلة او موقف او اي شي ثاني .مشكور على النصحية اخوي

شكرا اخي احمد شويبر على المشاركة والنصيحة..

شكرا اخي عبد الحسيب على الراي والمناقشة ..
بالنسبة لسؤالك عن شعوري اذا فقدته او تاخر او زي كذا ..بصراحة خايفة اقولك رايي وتقولون هذي انسانة ماعندها مشاعر ولا تقدر زوجها ..لاني راي سلبي جدا وللاسف واذا نفسيتي تأزمت تمنيت كل شي يخطر ببالك وهذا شي يحطمني زيادة وما ابغى اكون كذا اتمنى اكون احسن وافضل واشد الزوجات اخلاصا لزوجها بس وشلون؟

اما بالنسبة لو انقلب الموقف ترى الرجل وان كان يعاني لكن يختلف شوي اولا الرجل يقدر يطلع برا البيت يسافر ويوجه حياته لتجارة لدعوة لسهرات الخ...بس المراة وين ما تروح يظل اهتمامها ومكانها الاصلي بيتها غير كذا الرجل هو اللي يقود العلاقة الزوجية فإذا ما له رغبة ممكن يأجلها مو زي الست!!
وعموما مشكور على مشاركتك

اختي فراشة ملونة..مشكورة على رايك بس احب اقولك اني مامنعته من الزواج يعني لو يقولي ابغى اتزوج راح اقوله هذا من حقك بس اعذرني انا ما اقدر اعيش مع جارة او ضرة فانت تزوج بس انا طلقني..واعتقد هذا شي من حقي وانا كذا ما ظلمته

وبعدين شكلكم فاهمين الوضع غلط فهو مو محروم يعني اعطيه غالبا حقه كاااااااااااااااااامل وزي ما قلتلك يصير مبسوووووووووط ومتشقق من الفرحة فانا ابادار كثييييير واؤدي دوري كامل كثير واشعره بمحبتي دائما يعني تقدرين تقولين ما خذ ثلاثة ارباع حقه من الحياة السعيدة بس انا ما خذيت سوى خمس و عشر السعادة اللي المفروض ني اعيشها!! ومتاكدة لو ساله احد راح يقول انا سعيد لكن اتمنى احسن!
بس المشكلة انه حاس ويقول اني متضايق لانك مو مرتاحة! (معنى كذا كانه يقولي تراني عارف انك غاصبة نفسك علي!! ا)

وهذا شي مضايقني وعلى قدر ما احاول اسعده انقهر انه لا زالت عنده هذي الصورة..
غير قضية وجود اختلافات في الطبيعة ورفضه اني اعيش الحياة اللي كنت عايشتها قبل والاشياء العادية هذي...فكلها على بعض متعبتني..بالاضافة الى مسؤوليات الاطفال وهذي ما قلتها قبل...
واخيرا الحياة فيها تغير كثير والحمدلله اشوف ان فيه فرق بين نفسيتي اول زواجنا ونفسيتي الآن بس لا زلت تعبانة وابحث عن حل لانه احيانا اذا صار فيه مشلكة افكر بالانفصال وانا ابغى اشيل الفكرة هذي من بالي... وسلامتكم