المشاركة الأصلية كتبت بواسطة اتعبتني زوجتي

السلام عليكم
يا جماعة الخير انا خلاص تعبت و طفشت منها و النفس ضاقت ما عاد ابيها مو رابطني فيها غير ولدنا
ما تسمع كلامي و تعاندني بكل شيء حتى بالنقاب
تخرج من البيت او من بيت اهلها من وراي ولا تستأذن مني و دائماً تستقصد تطلب تشتري اشياء غالية علشان تستنزف اللي عندي قبل كم شهر اصرت تطلب جاكت فرو جداً غالي فوق الخمسين الف و قلت لها ما اقدر ومافي شيء الا خلته فيني خلتني بخيل و ماسك على الفلوس و احس انها تدور على النكد و الزعل دائماً
مره رجعت للبيت ما لقيتها بالبيت طلعت رايحة عند جارتها ولا اعطتني خبر و مره القاها ببيت اهلها ولا تستأذن مني ولما اناقشها واسمع منها تتأسف والقاها تسويها مره و مرتين و ثلاث ولما ازعل عليها على اي شيء تسويه تبكي اليوم كله و تقولي انت ما تنفع انت تبحث عن المشاكل و احياناً تخبر اهلها

و معطية اهلها فكرة عني اني ساجنها و متشدد و بخيل لدرجة تطلب مبالغ من امها و اهلها بصفها احياناً

ما تهتم بالبيت ابداً و المنزل صاير مكب نفايات ولما اكلمها عذرها انها تعبانة و احنا على هذا المنوال من سنة و ثمانية اشهر تقريباً

كل فترة القى صاحباتها بيزوروها و تقولي قبل جيتهم بكم ساعة ولا تستأذن مني

في بلاوي كثيرة تصدر منها ولا يسعني ذكرها لكن ان شاء الله ارجع و اكمل الباقي

انا طيب معها و صبور بشهادة اهلها ولم اقصر معها بشيء والله شاهد على ما اقول