السلام عليكم
اخواتي يا ليت تساعدوني بحكم ان البنات يفهمون بعض.
امس كلمت طليقتي عن الي صار بعد اجتماع أولياء الأمور وحسيت من صوتها انها كانت زعلانه او امعصبه من شي معين. سألتها شفيج؟ قالتلي ماكو شي وبعد اصرار مني ما رضت تقولي وقالتلي عادي المشاكل اليوميه. سكرت التلفون بعد دقيقه رديت اتصلت وقلتها قوليلي شنو الي مضايقج وأصرت انها ما تقول شوي بدت تنفعل واتعصب واتقول " انا غلطانه اني قلتلك اني متضايقة......الخ " وردت أتكلم بالمشاكل القديمه وانها تبي اتظل ابروحها.......الخ شديت معاها بالكلام دقايق تالي هديت الأمور وقلتلها لو تنطبق السما عن الارض ما راح اتركج ابروحج.

احترت يا اخواتي
- مره احس صج انها تبيني ابتعد وللحين شايله عليي.
- مره احس انها مو حاسه اب نفسها والسبب سوء النفسيه والصحه
- مره أقول انها تبي تختبرني عقب المشاكل الي صارت بينا

اليوم بعثت لها ورد امرتب علشان تهدا الأمور.

الي امخليني امطول بالي مو بس حبي لها. صحتها من سيء الى اسوء وبداية نزيف خفيف بالمعده والتهاب بالقولون والاثنى عشر

الوضع حييييل دقيق وحساس ومو مستحمل اي نوع من التصادم

رايكم يا اخواتي