كنت متابعة بصمت بس قرار الإنفصال يعور القلب
ياخوي كلام الأخت منطلقة ما عليه زود
زوجتك بزر وش قدرها على الزواج ما اقول مسؤولية البيت والطبخ وغيره إلا قصدي مسؤولية بناء مؤسسة بين إثنين شريكين في كل حاجة
زوجتك لسه ما إكتملت تربيتها في بيت أهلها بحكم التشدد اللي عندهم ولسه ما وصلت حد النضوج الفكري حتى يكون عندها الوعي التام للوضع اللي هي فيه حالياً اللي في عمرها ما همهم غير الدراسة واللبس والفسحة وهي مسكينة يا حبة عيني
صورة الشاب اللي لقيتها قد تكون عشوائية مجرد شكل أعجبت فيه واحتفظت فيها.. علماً انها حست معاك بالأمان والدليل إنها ما تبغى ترجع بيت أهلها حتى لو انك تزوجت غيرها !! الحين إنت علمتها إنك فتشت في أغراضها معناه شعور الأمان أهتز وديتها عند أهلها وعلمتهم عنها معناه كشفتها وخليتها مقصرة فيك في نظرهم !!
يا رجل إنت قلت إنها كانت سعيدة في البداية وإنت طينتها بأسلوبك .. والحين مالك حق إنك تطلقها وإنت أصلا السبب الرئيسي في إنتكاستها بعدما شافت حالها وياك
ياخوي ما راح اقولك إحتويها وإعتذرلها وغيره بس أقولك شوف الخير فيها في الأشياء اللي تسويلك إياها وإبتعد عن نظرتك السلبية إنتو لسه في بداية المشوار ولسه حتى ما حبيتها ولا عطيت نفسك الفرصة إنك تحبها
قرّب منها وخليها تحس بوجودك حولها وإبتعد خليها تجيك من نفسها وإصبر إصبر إصبر الزواج عمر ماهو يومين