شوفي اختي ابي اقولك كلام عن الرجل ياريت تعلقيه حلقة بإذنك (من اهميته)
الزعل عند الرجال مثل الدموع والبكاء عند المرأة.

المرأة تبكي وتدمع عيناها عندما تضعف ولاتجد بيدها حيلة

وتريد من الزوج

الحنان والاحتضان

مالذي يقابل هذه الدموع والبكاء عند الرجل؟

يقابلها الصراخ والمهاوشة والزعل

نعم والف نعم

انا ماصرخت وهاوشت وزعلت الى لأنه لاحيلة لدي في هذا الموقف واصبح موقفي ضعيفاً (اما تفشلت او تعبت من حل هذه المشكلة ولايوجد لها حل عندي الان او تفاقمت السلبيات في رأسي من عواقب الطلب المطلوب مني الان)

لااريد منكي التبرير والمواجهة وتصعيد الموقف، انا احتاج (الحنان والاحتضان) ولكن بطريقتنا نحن بحيث تضمني لنا كرامتنا وتقولي ايجابيات تلغي السلبيات اللي براسي (مو لازم تعرفيها وانما توقعيها (لأنني قد اكون غير مقتنع من حدوثها ولكنها مقلقتني اشد القلق وليس عندي استعداد اشرح لكي في هذا الموقف، ولأن الشرح بحد ذاته يعتبر ضعف مني، وانا(الرجل) اذبحيني ولاتطلعيني ضعيف امام زوجتي (امام عشيقتي اوكيه (لأني وقتها اكون ضعيف امام شهوتي وليس ضعيف امامها هي)) او تعتذري وانتي مطأطأة الرأس. او تقترحي حلول او تشيلي عنه هم الحل بقولك مثلاً : لاتشيل هم انا احلها

واعطيكي مثال عليها من واقعي انا

انا مااحب المفاجأت واشيل هم المستقبل، فلما تجي زوجتي تقول لي: اهلي جايين الان بالطريق!
انا ازعل وبشدة : ليش ماقلتي من اول ، وش باتصرف الان، ولازم اجيب لهم اغراض الضيافة وعشاء ومدري ايش وين اجلس اذا جات اختك اللي تغطي علي و لازم اسلم على والدك ووالدتك وانا مالي خلق الان و و (اشياء قليلة اقولها والباقي كله في راسي انا)

زوجتي بعد مافهمتني او انا فهمّتها (مااذكر ، اللي اذكره اننا زعلنا مرات كثيرة جداً من هذا الموضوع) فصارت تقول لي : اهلي جايين الان بالطريق وجايبين غداء معاهم (خاصة لما اكون انا بالعمل) او جايين ولا تشيل هم بيقعدون نص ساعة ورايحيين او مايحتاج تشتري شيء اغراض البيت تكفي.

وقتها مايمديني حتى افكر بالافكار السلبية عشان ازعل وتمشي الامور تمام.

وانا عكس الناس (مادري ازواجكم مثلي او لا) اذا طلبت زوجتي مني شيء ازعل واحط الف مشكلة ومشكلة واذا ماطلبت تلقاني اروح اجيبها لها ركض من باب الشهامة وان اهلها بيزرونها الان وعيب ماعندها شي تقدمه (في حالة اكتفاؤها بالموجود بالمنزل) وحتى لو كنت امر بضائقة مالية وقتها تشكرني (وانا اعيش الجو وافرح اني متكرم عليها مع العلم ان هذا من اقل واجباتي ولكن هذه نفسيتي وشرحت لزوجتي في اوقات الصفا هذا الكلام).

طيب فهمنا ان صراخ وزعل الزوج يقابل دموعنا احنا النساء

فما هو تفسيرك لدموع الرجل وبكاؤه! لاتقولي انكم ماتبكون؟!!!

لا نبكي وتدمع عيوننا بس وقتها يكون ممنوع الاقتراب ، لأنه يكون في اسوأ حالاته النفسية ووصل الى مرحلة القهر وبما انه بديهي لايريد الظهور بمظهر الضعف امام الزوجة في الحالات العادية فيكون هنا الوضع اشد مئات المرات، وتلاقي زوجته تركض ودها تحتضنه وتضمه (تعتقد انها نفس دموعها ونفس حالتها ونفس احتياجها). نصيحتي : لايشوفك ولايعرف انك شوفتيه يبكي.
واذا حصلت امامك اعملي
التالي:

1- اعطيه مناديل.
2- ذكريه بالله وانه لكل مشكله ولها حل.
3- لاتحسسيه ابداً انه ضعيف.
4- القي باللوم على الشخص اللي سبب له هذه الحالة.
5- امسحي الموقف هذا تماماً من راسك ولاتذكريه ابدا لزوجك. ولايعرف احد بهذا الموضوع لا انس ولا جن.
6- قد يكون زوجك يقبل بحكاية الاحتضان ولكن ابدأي بالتدريج ، لو لمحتي اي بادرة لرفض اقترابك منه على طول اسحبي نفسك للمكان اللي كنتي واقفه فيه.

مالم تكون دموعه مقصودة منه (هنا يختلف الكلام).