المشاركة الأصلية كتبت بواسطة مكلومة

معظم الرجال يقولون لك مشاركة وساعديه ووو....الخ
زوجك الآن مستغلك ومقصر عليك وإنت ماعندك وظيفة وبحاجته،،فكيف حيكون الوضع بعد وظيفتك واستلام راتبك!!!!

خذيها نصيحة مني وراح تدعيلي
إياك تاخذين له قرض حتى لو شفتيه يشحت،

لا تعطيه قرش حتى لو شفتيه محتاج وراح يتمسكن قدامك وراح يبين لك مسكين ماعنده حتى للبنزين،،خليه يدبر نفسه،وصدقيني ماراح يكون محتاج ،الحكاية ومافيها،يوفر اللي عنده عشان يدلع نفسه أو يتجمل مع اخوانه ،،الاستغلالي بخيل ،عشان كدة تعوذي
بالله من بخله واستغلاله،

شيلي مصاريفك الشخصية والسواق واذا حبيتي تجيبي خادمة اتحملي تكاليفها عشان زاحتك،

صرافتك خليها مع أمك او شخص أمين من أهلك و خاصة في الستوات الاولى ،،حتى يتعود ويشوفك انت والجدار واحد ويفقد الأمل انك ماراح تعطيه،،بعدها ممكنتخليها معاك ولا تخليه يدري عنها،،

خلي مبدئك وقاعدتك وقت الحاجة والزنقة كل واحد يدبر نفسه،،، لأنك لو فكيتي عنه زنقة
لمرة واحدة راح يصير فرض واجب عليك تفكي عنه ع طووووول،،،يعني ماراح يحفظها
لك فضل ومعروف،،واذا انت كنت بحاجته في يوم صدقيني ماراح يسد عنك،
لأن اللي تعود تعطيه يظل ياخذ ومايعطي،،
اذا سافرتوا لوحدكم من غير اطفالكم ،كل واحد يتحمل تكلفة تذكرته،،والسكن والاكل بالتناصف والألعاب والتماشي
كل واحد يتحمل نفسه،،،...واذا رفض انطقي في بيتك او.سافري مع اهلك،،
واذا ربي ما كتب لك السفر في الدنيا تسافرين في الجنة ان شاء الله.

ايجار،فواتير كهرباء اياك تفعي عنه ولا قسط حتى لو هو مادفع حتى لو هددكم المالك بالطرد
لا تخافي ولا تضعفي ،،راح يدبر الأمور لما يشوف مامنك أمل،،
أضيفي الى ماسبق مستلزمات البيت لا تدفعي ريال وارضي باللي يجيبه،

بإختصار خلي شعارك معه مااااااعندي.،إيااااااااااااااااااك تضعفي.