الله يحييك يا غالي وتاكد ان ما اصابك خيره من ربك .. قد يكون في حياتك خارج السجن تلك الفتره فيها فساد في دينك او صحتك او صحبة سيئه تجرك للمخدرات او غيرها ...

انت اليوم ((فلان الفلاني))
حافظ لكتاب الله
بعيد باذن الله عن الكبائر وعن رفقاء السوء
عندك اسلوب جميل في الحوار والاقناع
رجل ونعم الرجال ولو تقدم مثلك لاي عائله تبحث عن الدين والخلق لما ترددو في تزويجك بل ويفتخرون بك

وعندي لك نقاط ابيك تجلس معها وتفكر فيها

* ارتبط بصحبه صالحه عن طريق امام المسجد او المؤذن او احد الشباب الطيبين اللي ترتاح لهم واطلع معهم لو مره في الاسبوع واجبر نفسك في البدايه وستجد انك انخرطت معهم وماتستطيع انك تفكهم وستكون هذه الصحبه باذن الله عون لك على الطاعه وعلى الترفيه وسعة الصدر والسفريات الجميله والحج والعمره وغيرها ..

* الدخل المادي مهم جدا للرجل حتى يتزوج وينفق على بيته وزوجته وابناءه .. لذا قبل ان تتزوج اسس لك مدخول من وظيفه او تجاره او محلات ..

* كلم اهلك واصدقاءك واخبرهم انك تبحث عن زوجه ملتزمه واخلاقها طيبه وصبوره واسال كثير قبل ما تتقدم وادع الله بالزوجه الصالحه .. وخلك صريح في ذكر ما حصل لك وستجد باذن الله اللي تبيهم ويبونك

* ان وفقت في زوجه طيبه بترتاح وبتفرغ الكبت اللي بداخلك .. وان لم توفق في زوجه صالحه فقد تنتكس حالتك بسبب المشاكل العاطفيه اللي بتواجهها لانك متعطش وجائع للحنان والحب والاحتواء الذي حرمت منه وماحد يلومك .. فارجوك حبيبي الغالي احسن الاختيار

* اخيرا وهذه صعبه لكن بتنجح فيها باذن الله مع المحاوله ومع الوقت:
سامح من ظلمك
اعف عمن اخطأ بحقك

ابو بكر الصديق رضي الله عنه لما سمع قول الله تعالى "وليعفوا وليصفحوا .. الا تحبون ان يغفر الله لكم ؟ والله غفور رحيم"
لما سمعها بكى وقال بلى يا ربي احب ان تعفو عني

ولا يخفاك قصة عبدالله بن عمرو بن العاص رضي الله عنه مع الصحابي الذي ذكر عنه النبي صلى الله عليه وسلم انه من اهل الجنه فلما بات عنده ليتابع عمله ماوجد عنده كثير صلاة ولا صيام ولا صدقه ولكن اخبره انه لا يبيت على فراشه كل ليله حتى يعفو عن كل من اخطأ في حقه .. فكان جزاءه انه مبشر بالجنه وهي حي يمشي في الدنيا..


اعف عن من اخطأ في حقك ليعفو الله عن تقصيرك
في داخلك جراحات غائره فعقمها بالعفو وطهرها بالصفح حتى تلتئم وتختفي وتكون ذكرى عابره
لن تتقدم خطوه للامام حتى تمحو كل ما خلفك
كنت يوما من الايام (مظلوم) في السجن
وانت اليوم (فلان) تعيش حياه طبيعيه مثلي ومثل اي رجل


والله اني حبيتك ياخوي
في الله ولله
واسال الله لك الحياة الطيبه والرزق الوفير والزوجه والذريه الصالحه