المشاركة الأصلية كتبت بواسطة أمين الثاني

اعرف واحد عنده مزرعة فيها استراحة و مسبح و دبابات وكل شيء و كل يوم جالس فيها من بعد العصر و الغريب زوجته معه كل يوم
ما يطلع الا وهي معه و سبحان الله ماله في جلسات الشباب و الاستراحات وما اعدي عليه بالمزرعة الا القاه يا يسقي او يغرس او يرمي حب للدجاج او يغسل الفرس او مولع نار و يشوي مع زوجته طبعاً زوجته هي عمتي و مبسوطين لآخر لدرجة و مشاء الله تبارك الله عيالهم القاهم هناك كثير فمره سألته ايش تبي فيها وليش ما تبيعها و تستفيد من قيمتها قالي هذي تجمع عيالي و تجنبهم الدجة و الدشرة و يصير بعد ما يتزوجون يجوني بأي وقت مع زوجاتهم و عيالهم

خليه يشتري لكم استراحة او مزرعة و تقضون وقتكم فيها مع بعض لطرد الملل و الروتين او ايجاد اي شيء يشغله عن جلسة الاستراحات لأن ما وراها الا مضيعة الوقت و تجميع ذنوب يا اما تدخين او معسلات او شيش او قنوات هابطة

او يدخل في تجارة ولو بسيطة و صغيرة تشغله عن جلسات الأستراحات

في طريقة اخرى وهي اللي يبيه من اصحابه يزوره بالبيت لأن اغلب الزيارات لا تكون طويلة اذا كانت زيارة صديق وليس ضيف

الحلول كثيرة وما جعل الازواج يدمنون الاستراحات غير الملل ولو وجدوا الافضل او البديل لتركوها و نسوها