رد : هل أقصر على نفسي في سبيل التوفير؟
اقتباس:
المشاركة الأصلية كتبت بواسطة ام محمد
خلي نص الراتب ترفيهي ونصفه للايام
:-)
|
اعتقد سأفعل باقتراحك .. 
اقتباس:
المشاركة الأصلية كتبت بواسطة اللقيا في الخلد
هلا بك أم الدانه الحمدلله بخير انتي وشخبارك
كنت في يوم من الأيام اعمل بمقولة اصرف مافي الجيب يأتيك مافي الغيب
بس الحين أمي مسكتني وأخواني صرت أمسك اشوي الحمدلله.
السفر سافري مو عاد كل المبلغ مرة وحدة تصرفينه حاولي تحطين نسبة معينة لصرفك مو الصرافة معك كأنك حالفة ترجعين وما معك ولا ريال.
اشوف دامك سافرتي4 مرات نعمة خلاص امسكي نفسك كم سنة اشتري أرض و انسي انه عندك ارض ماتدرين مع السنوات ترتفع قيمتها وتكسبين فيها.
|
يوووه اللقيا كانك قاعدة معاي ..
لما أسافر أصرف كل ريال معاي .. كأني حالفة ما أرد من السفر وبجيبي فلوس .. 
والله فكرة الأرض ممتازة .. العقارات غاالية عندنا .. أحتاج سنوااات اجمع وأقصر على نفسي .. بس فكرة طيبة .. بحاول وبشوف ..
اقتباس:
المشاركة الأصلية كتبت بواسطة عاشقة القهوة
حلو انك شفتيلك الدنيا شوي
اذا بتوفري خلي النص بالنص انتي و زوجك وفروا عشان اوﻵدكم
اما اذا ما يبغى يوفر
الله يعينك فعﻻ وفري عشان نفسك و اوﻵدك و الله يجيب الخير
|
والله ما يوفر زوجي .. مافيه إلا أنا .. ويمكن هذا السب اللي يخليني ما أحب التوفير .. أحس لحالي افكر بالمستقبل وهو ماهمه .. بس أحيان أعذره .. التزاماته أكثر مني ..
اقتباس:
المشاركة الأصلية كتبت بواسطة روح الطير
الواحد يوفر و يضمن مستقبل أولاده و مستقبله
ثم يمتع حاله
 |
أجل بمتع حالي وأنا عجيّز ..