رد : الأم .. أنتِ أيتها المميزة [ مميز ]
اقتباس:
المشاركة الأصلية كتبت بواسطة RAOUF&RANA
توقعت انى اواجه هجوم على كلمتى ..
خاب ظنى فليست كل الزوجات كما من قابلتهم ..
احرجتنينى مهره ..
نحن لا نريد جزاء ولا شكورا .. فقط اكره نكران الجميل ..
الحق حق يا خالو .. دور الأب مهم جداً .. وأنا نفسي أحياناً باطلب من جوزي يتدخل في بعض الأمور الخاصة بابني على وجه الخصوص .. لأني عارفة إنه محتاج فيها توجيه من الأب أكتر من الأم.
حقولك شغله .. بلهجة اهل الشام ..
لى جاره للصيدليه .. ام وزوجها متوفى وتاتى الى لشراء الادويه ..
انا من طبيعتى احب ان اقيم علاقة ود مع كل من اعرفهم ..
جاءت لتقيس السكر والضغط لشعورها بتعب ..
قبلها بمده صغيره كان ابنها وزوجته عندها ولم يبقى سوى دقائق ..
قلتلها شكلك متخانق مع حد ..بنتك ؟ قالت بنتى غالبانه .. امال مين ؟ ابنك ؟ راحت معيطه
وانتى عارفانى حنين قمت جبتلها كرسى واحكيلى ياام ....
هى مستاءه من ابنها لانه لا يزورها بالقدر الكافى وان زوجته لا تريد الاقامه معها وهى مريضه محتاجه رعايه ..
طيب ياستى مانتى عندك ولدين غيره اشمعنى ده ..المهم هزئته وقالتله مش عايزه اعرفك ماتجيليش تانى ..
قعدت افكر وانتى عارفانى مخى راكب شمال ..
الله هو حب الام لابنها ممكن يوصلها لانها تدمره .. يعنى زى الدبه اللى قتلت صاحبها ..
استفادت ايه لما عكننت عليه ..
استفادت ايه لما يكذب على مراته ويقول مارحتش لماما ..
استفادت ايه لما الواد يجيلها سرقه ويرجع فى معاد عودته حتى لا يعمل مشكله مع مراته ..
ايه التميز عند الام لما تعلم ابنها الكذب والخوف وعدم الصراحه ..
اه ربت وتعبت ومن حقها ان اولادها ييجو يتطمنوا عليه ..
طيب ماالاب ربى وتعب ومن حقه ولاده ييجو يتطمنو عليه .. ليه مش بيعمل زيها .. |
الولدين مش هيعوضوها عن ابنها ده يا خالو.
مش حكاية حد يقعد معاها والا يونسها والا يديها الدوا .... لكن المسألة عاطفية في المقام الأول .. نفسها كلهم يفضلوا حواليها .. لأن مفيش حد فيهم بيعوض عن حد.
صحيح الابن أو البنت طبيعي يكبروا ويشوفوا حياتهم .. لكن برضو مش معقول الأم تخلف وتربي وتسهر وتتعب .. وفي الآخر تشوفه مرة كل حين ومين .. وكمان خطّافي!!
مش انتو بتقولولنا: ركزي على عيالك .. ربيهم واهتمي فيهم ومارسي كل عواطفك معاهم .. وبكرة تشوفي ازاي ربنا هيعوضك بيهم؟
هو إيه العوض اللي الأم مستنياه من ابنها غير الحب الحقيقي والاهتمام والسؤال؟
مش لازم كل يوم ييجي ينام في حضنها .. لكن ما يغيبش ويقول عدّولي!
بعدين انت فاكر لما يكدب على مراته ويروح يزور امه سرقة كده الأم هتكون مبسوطة وفرحانة بيه؟!
أساساً اللي يعمل كده هيكون عنده عيب خطير في شخصيته .. وحقيقي خسارة تعب امه فيه!
الأب يمكن يكون عقلاني أكتر .. عشان كده هيشوف الموضوع بطريقة مختلفة .. لكن صدقني لو الزيارة تحولت لواجب تقيل عايزين نخلص منه .. فأكيد الأب كمان مش هيكون مبسوط بزيارة ابنه.
__________________
اللهم طِيبَ الأثر .. وحُسْنَ الرحيل.