رد : الرجل ايضا يحب المراه الكريمه
لا حبيبتي القلوب ما تنشرى بالفلوس وفيه فرق بين الشخص اللي يحبك واللي يحب مالك ! و ياما شفنا موظفات أزواجهم حاطين على راسهم الثانية ولا مطلقات ! يعني بالعربي فلوسهم ما فاداتهم ولا جابت راس رجالهم .. المحبة من الله إن ماجابها الله ما جابها شيء ثاني .
على فكرة، شيء طبيعي إن الوحدة لما يكون ربي منعم عليها بمال تساعد زوجها من طيب خاطرها إذا احتاج .. وتشاركه بعض مسؤوليات البيت والعيال شاركته جسدها ماتشاركه فلوسها لكن بالنهاية كل شيء - بحدوود - كثرة العطا على قل سنع غباء ! غير كذا الرجال يحب يحس إنه السيد والسلطان لو ما عاش هالدور معك راح يدور وحدة ثانية يعيش معاها الدور عاد كلن وذمته بعضهم يدور بنات .... وبعضهم يجيب وحدة بالحلال .
والهدايا، ينطبق عليها مقولة - الدنيا أخذ وعطا - إذا يهديني ما خف وزنه وغلا ثمنه يبشر بمثلها . وغير كذا لا يحلم أغرقه بالعطايا وأنا ماشفت منه شيء ..
وبالنهاية؛ من أحبك لشيء بغضك على فقدانه، الرجال اللي صابر عليك عشان يلهط من وراك كم قرش هذا اقطعي عنه الفلوس وابقي قابليني لو ناظر في وجهك !
__________________
فقدتك يا بعد عمري وحبي وأطهر أشواقي، فقدت أيام ما ترجع فقدت البيت واللمة، رحلتي بالفرح كله وبعدك مابقى باقي، وتركتي وحشة الذكرى تجر الروح يا يمه، يا أغلى قلب ودعني ومثله صعب أنا ألاقي، يا أروع من عن الدنيا رحل وأطهر ثرى ضمه ..💔
التعديل الأخير تم بواسطة فرح تايه ~ ; 05-11-2014 الساعة 08:03 AM