المشاركة الأصلية كتبت بواسطة عاشقة القهوة

مساك الله بالنور

قبل الخطة قولي ايش سر سن اﻷربعين عند الرجل ؟

و هل هو سن الرشد تقصد !

يآرب

بس ليه الرجال في اﻷربعين يتشبب و تتخربط علومه <<< هل هذا نوع من التعويض

اول يكون مشدد على نفسه و حريمته و همن يتغير >>> جزاه الله خير يصدم الحريمه و عياله

و يمكن يصير رومانسي و هي اللي طول عمرها نشفت صارت عود ناشف من كثر ما تطلب الحنيه و ﻵ تﻻقي

الخطة ان شاء الله بعد ما اشرب قهوتي

المشاركة الأصلية كتبت بواسطة عاشقة القهوة

و ايش سن الرشد عند المرأه ؟! يمكن الثﻵثين !!

المشاركة الأصلية كتبت بواسطة عاشقة القهوة

الخطة ان شاء الله :

1/ البرمجه من خﻵل الحديث عن مسنقبلنا و اﻵوﻻد و الحديث بشكل ايجابي ما يوحي له بتحميله الضغوط !
انما احﻵم كأن اقول : يارب يا حبيبي يصيرلنا بيت زي هذا كذا يجنن ( و اختار بيوت حلوة خخخخ )
و يارب يا حبيبي اوﻵدنا يدرسوا في احسن المدارس و احسن الجامعات و يحصلوا ع الماجستير زيك .


حطيت نفسي مكان زوجك

وماعجبني الكلام! ( لاتزعلي وخلينا نفكر بصوت مرتفع )

اشعر وكأنه تذمر

وان زوجتي مو عاجبها وضعنا الحالي

ودائماً متطلبة ومتذمرة

وغير كذا انا اصلاً مادرست الماجستير بمزاجي

امي هي اللي فرضت علي

وانا ماابغى افرض على عيالي اشياء مثل ماانفرضت علي

ولا ابغاهم يعانو مثلي!

2/ استمر ع التوفير حتى ارى الفرص المناسبه و استعداده المناسب و ادفع اليه المال ( خذ يا حبيبي هذي فلوسك ) و ان شاء الله يشيلها لي جميله.


نعم استمري

وعندي نقاط هنا :

1- اعطاؤه الفلوس كاش :

هل سوف يستثمرها في شراء ارض؟ ام يسلفها لاحد؟ او يسافر او يصرفها بمكان اخر؟


2- فلوسك :

حلوة، وانو انا ترى زوجتك صاينتك من خلفك وبأجمع لك سنين وانت ماتدري.

بس ماحبيت حرف الكاف في (فلوسك) تشعرني وكأنها كانت امانة عند زوجتي ورجعت لي (كلام صحيح ولكن خلينا نحسب حساب المستقبل)

الافضل تقولي له : خذ هذه الفلوس اللي كنت بأجمعها من اول ( خليها عايمة ( جزء منه وجزء من والدك )) اشتري بها الارض الفلانية.

وبكذا مايكون عنده احساس داخلي بحرية التصرف المطلقة بهذا المال. وانما هذا المباغ خاص بزوجتي وأأتمنتني عليه وتريد شراء ارض ولأنها تحبني ستكتبها بأسمي ( الزوج)

مع اني قلت لكي انه عند تحفظ على حكاية كتابة الاسم ( سواء بأسمك او بأسمه)

لأني الان بدأت اميل ان تكون بأسمك ( لأني اعرف ان الزوجة المحبة صعبه انها تغدر بزوجها في المستقبل على عكس الزوج ممكن يتزوج عليها ( ولا يسمى هذا غدر، بس الوزجات تسميه غدر)

ولكني خايف ان شيطانك يكبر مع السنين وتضري زوجك في المستقبل البعيد ( كمان عشرين سنة قدام)

هذا غير ان الموقف مااتوقع يمر على والدته بدون ماتسأل : كيف هذي ام قهوة جابت مبلغ البيت او الارض؟ لايكون ضحكت على ولدي؟

صح ممكن تجاوبي عليها : والله ماادري مين اللي ضحك على ولدك وحرمه من ورث ابوه!

ولكن راح تدخلوا في حروب مالها اول ولا اخر.

والأفضل انك تدرسي موضوع (ورث زوجك) وتسألي محامين؟ واخصائين نفسيين؟ وتشوفي هل ممكن ستربحي في نهاية هذه المعركة؟ ام ستكوني انتي الضحية!

وقد تكون ام زوجك وولدها الكبير مقرين بحقه، ولكن حاطين في بالهم انكم ستأخذوا حقكم بعد بيع الاملاك!

وان الدخل الحالي : بيستخدم لتدويره مرة اخرى في الشركة وبالتالي تستمر بالعطاء ، وجزء منه اتعاب لهذا الولد الكبير

والولد الكبير فتح محلين باسمه عشان الحلال والحرام وربنا رازقه وعياله.

قد تكون الام والولد الكبير يفكرون بهذه الطريقة. (احتمال وارد)

وقد تكون هذه الفكرة عندهم ولكنها شابتها بعض الاخطاء.

افضل حل خطر ببالي الان :
هو معالجة زوجك نفسياً

ثم بعدها يكسب ثقة والدته واخوه ويدخل في هذه الشركة ( او المحلات) وبعدها يكون لكل حادث حديث

سوف يفهم الشغل - سوف يجد ثغرات - سوف تكون لديه القوة لاستعادة مايستطيع استعادته من اموال.


3- يشيلها جميلة :
لاتهتمي اهتمام كبير بحكاية شيل الجمايل على زوجك

مادام اعتبرك الجذور فأنتي شيء عظيم عنده والله اعلم

نعم وريه بأنك تشتغلي بين فترة وفترة وعشانه

لا من اجل الوصول لمكانة عظيمة عنده!

وانما من اجل المحافظة على هذه المكانة العظيمة التي انتي بداخلها عنده الان.




3/ انت قلت التحفيز بالليالي المﻵح و اني اقوله يا حبيبي بتنتظرك ليله و كده >> ما يناسبني هذا الشي ابدا



مو هذا اللي خلاني اقول انك ماتبغي تغيري نفسك



ﻷن حتى انا لي الحق اكون راضيه و مشبعه و مو ارضيه بس بهذا الشي

و تخيل بالي مشغول بالطلبات بكون متوترة و ما بقدر اعطي

و ربي ترا ما كلف النساء فوق طاقتهم ابدا


الظاهر مافهمتيني مضبوط

واستعجلتي النتيجة

هذه البداية فقط ، لأننا عرفنا نقطة من نقاط ضعفه وبنستغلها لمصلحة الجميع وبنحفزه

انتي مو الان مسكتي زمام المبادرة وتريد الارتقاء بحياتكما الزوجية للقمة!

اجل لازمي تعيشي جو القيادة واعتبري نفسك كابتن الفريق (اللي يتحمل المصاعب من اجل فوز فريقه)

الكابتن الذي سيقام له حفل اعتزال كبير ، وستخلد ذكراه وستحترمه الاجيال القادمة ( اولادك واحفادك)

او من الان ريحي نفسك وارضي بالمقسوم وعبي في خاطرك الى ان تنفجري يوم من الايام وتطلبي الانفصاااااال ( لاقدر الله)

بعدين تعالي هنا على حكاية ضعف النساء وانه ماابغى اتكلف فوق طاقتي!

مو هذا الضعف نفسه اللي يخلي الزوجة تقتل زوجها !

تسحره !

تعمل له المكائد !

طيب ليش مانستغل هذه القوة المستمدة من ضعفكم لعمل الخير!!!!!!

ولراحتك في النهاية!!!!!!!





صحيح حرام عليها تمنع رجالها بس مو مكلفه بشي مو في طاقتها و هو المفروض يريحها لتسعده


المفروض

قلتي ايه ؟

المفروض؟

حلوة دي حكاية المفروض

طيب خليني امشي معاكي على حكاية المفروض دي

مو بس المفروض على زوجك يسوي كذا وكذا وكذا

وانما المفروض على والدته تعمل كذا وكذا

واخوه الكبير يعمل كذا وكذا

وانتي تعملي كذا وكذا

وانا اعمل كذا وكذا

طيب ماعملنا المفروض ! ايش راح يصير ؟!

حناخذ ذنب ( ان كان مفروض شرعي) والله سيحاسبنا عليه

وحتصير اخطاء وعواقب سنعاني منها (كل واحد ونفسه)

و (هنا الشاهد) حتصير اخطاء وعواقب وستعاني انتي منها ( عواقبنا كلها حيجيكي منها نصيب مثل ماهو حاصل الان)

هنا امامك خياران:

1- خليكي مثلهم وقولي ( اصلاً المفروض هم يسوو كذا ومايسوو كذا، والمفروض انها تعمل كذا ووووو).

2- تمسكي زمام المبادرة وتدرسي وضعك

( ماهي امكانياتي؟

- ماهي احتياجاتي؟

- ماهي تطلعاتي؟

- ماهي التضحيات التي يجب ان اقدمها؟

- ماهي النتائج الايجابية التي سوف اتحصل عليها؟)



>> فين العﻻقة التكامليه هنا !!



موجودة ، بس انتي مابتسألي عن العلاقة التكاملية

ولكنك بتسألي : فين نتيجة العلاقة التكاملية الان! ابغاها الان ! لا اريد الانتظار! اريد نتائج فورية!

اذا مصرّة ، وتعرفي زوج احسن من زوجك وشايفه انه مافي مشكلة على عيالك؟!

فتوكلي على الله واطلعي من زوجك وروحي للزوج الجديد

وساانتظرك هنا في ساعدني

لانك سوف تأتي لي شاكية من الزوج الجديد

لأن المشكلة ليست بالزوج

ولكن المشكلة بكي انتي

او بمعنى ادق

المشكلة في الشخص نفسه وليس في الظروف المحيطة!

كل شخص مننا عارف سبب وجوده في الدنيا

وعارف ان

طريق الجنة محفوف بالمكاره

وطريق جهنم مفروش بالورود والملذات

تمام؟

تبغي جنة ؟

اجل اتحملي

تبغي جهنم ؟

اجل استمتعي



4// بالنسبه للطلبات المؤجله بكتفي بالتذكير ان شاء الله <<< صرت احطله ورقات من هذي الملصقات اللي بغرا في كل مكان هههه




يعني وجدتي لكي طريقة تنفعك

واعطتك نتائج وكفتك النكد والتذمر

استمري في البحث عن طرق

كل تعبك هذا ماراح يروح هدر

حيجي يوم ويفوق وزوجك ويقبل قدمك ياشيخة ( طبعاً وقتها اسحبي قدمك وقولي له استغفر الله والله يرفع قدرك يا فلان)



و ربي يعين

و به نستعين