رد : معلوماتكم ودعواتكم الاورام الليفيه
حبيبتي مبتعثة .. فديتك ربي يشافيك ويعافيك ويبعد
عنك كل شر
حبيبتي اسمعي تجربتي وإنتي شوفي ..
أنا بداية زواجي كانت أموري والدورة عادي ومنتظمة ..
بس بعد خمسة أشهر حسيت بانتفاخ غريب فبطني
رحت عملت أشعة قالوا عندك كيس عالمبيض اليمين حجمه 14 سم
ولازم جراحة واستغربت الدكتورة كثير لأنه ما مسبب لي ألم
وماني حاسة فيه ..
لين تقرر العملية بأقل شهر .. فقط خلال 3 أسابيع بعملية جراحية
شق بالبطن بشكل عمودي .. وصل حجم الكيس 25 سم .. يعني تخيلي
لو كنت مأجلة العملية شهور كم راح يوصل حجمه ..!!
هذا بالإضافة إنه بسببه صارت لي التصاقات بالأنابيب وتقريبا أغلب
المبيض اليمين تمت إزالته ..
وكل من أشرف على علاجي ليومك مستغرب لأني ما حسيت به لأنه حجمه جدا
كبير وكيف خليته يوصل لهذا الحجم..!!
الخلاصة حبيبتي أنا ما أريد أخوفك لكن دام تم تشخيص الوضع واتفق كل الأطباء على
وضعك فنصيحة من أخت محبة لك لا تتأخري بالعملية
البنج لا تخافي منه حبيبتي .. محدثتك تم تخديرها أربع مرات 
و دكتورر التخدير راح يكون موجود طول العملية معك في حالة حدوث أي طاريء
لا قدر الله .. على قولة الغالية ملك الشادي حلاتك وإنتي صاحية وهم مخلصين من كل شي
الأمور الجانبية الأخرى لا تقلقي وادعي الله وادفعي صدقة تجنبك كل شي
أمور دراستك إنتي بالسعودية ألحين ولا مبتعثة.. بمجرد ما تكوني خلصتي اختبارات الترم
تقدري تحددي خلالها موعد العملية ..
إخبار أهلك .. أتفق معك هذي صعبة كثير .. ويا رقة قلب الوالدين ما يتحملون يسمعون
عن شي مأثر بعيالهم .. ربي يخليهم لك بس لازم هم يدرون حتى يوقفون معك وما تخبرينهم
إلا من تحددين موعد العملية حتى ما يشلوا الهم كثير.. بعملية الكيس ما خبرت أمي
إلا قبل موعد العملية بأيام بس ..
بالنسبة للناس إذا يزعجك معرفتهم بالموضوع .. تقدرين تتفقين مع أقرب أهلك أمك أبوك أخواتك
ما يخبرون أحد خلال إجرائك للعملية وفترة راحتك حتى تقومي بالسلامة إن شاء الله
هذا اللي عندي .. وعذرا طولت عليك بالكلام
شفاكِ ربي وعافاكِ .. قلبي معك 
__________________
التعديل الأخير تم بواسطة أوراق ملونة ; 07-11-2014 الساعة 09:05 PM