رد على بعض الاخوان اللي يقولون ان اكيد فيه عيوب فيني ماتعجبها وهذا اللي مخليها على هالحال
طيب انا سبق وذكرت اني جلست معها كثير وطلبت منها تقولي ايش فيها ايش اللي مضايقها وانا ماعندي مشكله وماعندي حساسيه من هالناحيه مثل بعض الناس بالعكس والله اني اسمع حتى من الغريب لما يقول عيب فيني واشوف صح فيني هالشي واحاول اصلحه والا بس كلام هي ياليت انها تفتح قلبها وتتكلم كان ماوصلنا الى هالمرحله لكن هي مشكلتها انها ماهي شايفه فيني ايجابيات ابدا
وانا ذكرت لكم اني سألتها عن ايجابياتي وسلبياتي عشان نحلها الايجابيات قالت مافيه ( صفر ) يعني اعتقد ان المجرمين الي بالسجون فيهم بشخصياتهم ايجابيات مافيه احد كله سلبيات الا ابليس مثلا

انا ذكرت لكم بعض المواقف الغريبه اللي تسويها وماقلت كل المواقف فـ لو اقولكم بعض اللي تسويه وتقوله راح تستغربون
مثلا مره صار علي حادث قوي والحمدلله الله سلمني المهم لماارجعت البيت قلت لها صار علي حادث تدرون وش ردت؟
قالت احسن هذي دعوتي !!!!
هو فيه مره كذا يعني اشوف هندي بالشارع صاير عليه حادث راح اقول له الحمدلله على السلامه
طيب كل هالتصرفات تتوقعون ماتأثر فيني

اما الاخت اللي تقول انه اعراض اكتئاب ممكن لاني مدري والله عن هالموضوع لان فعلا تصرفاتها مو طبيعيه لكن السؤال ليش الاكتئاب مايصير الا معي؟
مع زميلاتها انواع الضحك والفرفشه وانا مالي الا مدت البوز والنكد واللي تكون مكتئبه اتوقع انها تهمل بنفسها ولايهمها احد لكن هي مهمله بس لي لكن لما تروح للمدرسه او تسير على احد او عرس تصير مره ثانيه غير اللي اعرفها

اما اللي يسأل عن العلاقه الخاصه الحمدلله انا مثل ماقلت سابقا اتقن هالفن وواثق من نفسي من هالناحيه 100% وواسمحولي على هالكلام انا ماني مثل بعض الرجال اللي اناني او انه مريض بسرعة القذف الحمدلله الله عطاني قوة من ناحية الوقت والجهد واعذروني على جرائتي بس للتوضيح لبعض اللي يربطون الخلاف بالناحيه الجنسيه وانا ماقلت انها تنفر من العلاقه الخاصه لكن مثل اي انسان يحب انه يحس انه مرغوب ويشوف اللي قدامه مهتم بنفسه عشان يجيه نفس