كلام الاخت صح

اختي الكريمه انتي مشكلتك انك مانتي قادره تنسين خيانته وهذا اللي معطيك احساس انك صاحبة فضل عليه عشانك سامحتيه وانه المفروض انه يعاملك معاملة المكسور عينه
وهذا غلط انتي طالما انك قررتي انك تسامحيه فـ خلاص انسي كل اللي صار منه وابدي معه من جديد اما قولت انا اللي صلحته فـ اسمحيلي مافيه احد يصلح احد الا اذا هو اصلح نفسه

ثانيا انتي طالما انك تعرفين انه عصبي ليه تردين عليه ؟
انتي كانك تصبي بنزين على النار شفتيه معصب لاتردين حتى يهدا وتكلمي معه لكن يقولك اربيك لا انت اللي ماتربيت يعني بصراحه غريب ردك ولاتظنين انك اذا سكتي يكون ضعف لا بالعكس السكوت احيانا قوه وحكمه

ثالثا بعض تصرفاتك فيها انانيه بصراحه
مثل تقولين انه يطلب حقه الشرعي ونمتي وخليتيه وتلومينه اذا انتي تبين حقك الشرعي مايعطيك
طيب اصلا يااختي الله يهديك مايحق لك تمنعيه من الفراش مهما كان

الواحد قبل يطلب حقوقه عليه يؤدي واجباته اول

اما عن عصبيته فـ اول شي لاتحاولين تحتكين فيه اذا كان معصب
وحاولي تهيئين الجو قبل الطلعه مثلا بضحكه , بحضن , بكلمه حلوه خلاص يكون وقتها طاح اللي براسه
اذا دخل البيت استقبيله بترحيب صدقيني اختي الكلمه الحلوه لها مفعول غريب