السلام عليكم
احب اخبركم بمستجدات اوضاعي ,, بعد كتابه هذا الموضوع وبعد المشكله اللتى حصلت بالعيد بينى وبين زوجي ساشرح المشكله الماضية( وكان سببها ان امه ضايقتنى وقالت بعض الحريم مايحملون ) وكان المقصود بها انا لان ماكان فى احد بالمجلس ماعنده اطفال الا اانا ,, رجعت البيت وكنت حزينه يومين وماتكلم الا بالكلام الضروري كان ودى اخبر زوجي واتناقش معاه بهالنقطه انه يعلم اهله بالمشكله ويفكنى من الهمز واللمز لكن خفت افتح الموضوع ويهاوش ويقول انتى تحبى النكد,, فاللى صار انى سكت يومين وكنت حزينه جا زوجي باليوم الثاني بيتقهوي معاى وكنت مشغوله بلابتوبى قالى وش فيك يومين مو على بععضك ماتنامى بالليل وماتتكلمى قلت له اقولك وماتزعل قال قولى لى , قلتله امك قالت كذا وكذا ومن حقها تقول هالكلام لانها ماتعرف وش مشكلتنا فالافضل اننا نتفاهم على حل يرضى الطرفين ويوقف اهلك عن الكلام فينى ,, زعل للاسف وقالى ارجعى للابتوبك وماكلمنى وهجرني بالفراش ينام بالصاله لمده اكثر من اسبوع ماني فاكرة ,, وليلة العيد صعبت على حالى ورحت له قلت له ممكن نتكلم مابى اعيد وانا متضايقه خصوصا اهلى كانو بالحج وخوالى ولاعندي مكان اعيد فيه فطلبت منه نتكلم ونحل المشكله فقالى اذا جو اهلك روحي لهم قلت له وش السبب قال لانك ماتحترمينى وتنكدي على ,,, مشكلتى بعد ماهجرنى عصبت باليوم ال4 وقلت له انت ليش ماتنام بالغرفه ماتبى مره ماعندك رغبات نفسى (اعتبر هالكلام تشكيك برجولته وعدم احترام ) بس حسو بحالى كنت اجازه وجالسه لوحدي وماعندي سواق اروح مكان وهو سافهني حسيت انى كانى سجينه ومن حقى اعبر عن راى يمكن عصبت بس مو مشكلتى انه متبلد وعديم الاحساس الوضع هذا يخلى الحجر ينطق ,,,عموما اللى صار ليلة العيدد انى انا اعتذرت منه و راضيته ووعدته ماتكلم باهله عنده ورضى بعد ماردني اكثر من مره وبعد ماقالى الحقى باهلك اذا رجعو ,, المحصله النهائيه انه رضا وكانت الامور كويسه ومعقوله نوعا ما الى قبل اسبوع
قبل اسببوع حصلت حاجه ثانيه وهى اننا حاجزين 3 رحلات باوقات مختلفه ودافعين ثمنها بعض ثمنها منى وبعضها منه وذلك عشان نحجز بدري ويكون الحجز رخيص ,,, رايحن دوله عشان معالج شعبى ,, وبعد كم اسبوع دوله ثانيه عشان اجازه ترفيهه لان من اول زواجي مارحت الا شهر عسل مع ان حالته الماديه وحالتى انا فوق الممتازه ونقدر .. والدوله الثالثه امريكا عشان دكتور كويس له والرابعه مكه عشان الدعاء والخ
اللى حصل اننى خططت هالرحلات كلها ودفعت ثمنها وفنادقها برضاه وتشجيع ولكن
الغي رحله امريكا وماقدرنا نحصل الا نصف مبالغ خسايرنا بسبب انه ماله داعي نروح هالوقت ونروح بعد 3 شهور عشان يعمل عمليه مره وحده
الغي رحله المعالج الشعبى وماسترجعنا من ثمن التذكره ولا الفنادق ولاشى لانه حجز غير مسترد وبفتره عرض
الغى رحله الاجازه حقتنا وسحبو مني كامل مبلغ الفندق ومبلغ الطياره لاننا كنا متزاعلين وقتها على شى تافه
وجانى الاسبوع الماضى الجمعه تحديدا يشاورنى انه بيلغى رحله مكه (الحجز غير مسترد) وهى ويك اند يومين عشان فى عزيمه بوقتها خاصه باهله(مع العلم اني عندي اجتماع العائله حقنا كامل بهذا الويك اند يحضره اكثر من الف شخص بعائلتنا وومايحصل الا كل سنه مره ومافكرت الغي رحله مكه ابد ) قد تستغربون ليش حجوزاتى غير مسترده والسبب اخذتها بكج بربع المبلغ وظبطت اجازات من عملي طبعا كل رحله مدتها يومين فقط وانا دافعه فيها كمان.انا اللى رتبت الخطه كامله وتعبت بالتخطيط بموافقته وترحيبه كمان .
المهم قالى ودي الغي الحجز والي ماذلك رده فعلى انى قعدت اصيح من غير كلام وطلعت من الغرفه رحت للصاله وانا طالعه قالى خلاص ماتبغين مانلغي طنشته ورحت للصاله لانه ماقدر جهودي وتعبى بالتخطيط وماقدر خساره المبالغ كلها مناصفه على وعليه وماقدر رغبتى بالسفر والتقرب لله بعمره واحنا باشد الحاجه اليها (خصوصا انه يعشى اخوياه بمبلغ قد رحله كامله )
طبعا جلست بالبيت يوم الجمعه للمغرب ودعيت الله كان عندى عرس عافت نفسى اروح له عيونى متنفخه وحالتى حاله
فاجانى انه لبس وحلق وتحمم وطلع من البيت ومارجع الا الساعه 2 وقتها كنت نايمه وباب الغرفه مفتوح
طلعت الساعه 4 اخذ مويه وشوي اكل عشان اصوم من بكره لقيته نايم بالصاله , ليش ينام بالصاله ؟؟ مع انى مارديت ولاتكلمت معاه امس ابد
المهم رجعت نمت قمت الصباح على 10 لقيته مش موجود بالبيت
كان عندي الم بعينى شديد وهو عارف انى حاجزه موعد استشاري عيون ومحتاجه احد يوصلنى ,, اكتشفت انه عند اهله جنبنا من الشغاله
كلمته مارد ,, راسلته بالواتس اب ان عندي موعد طنش ومارد,,استفزيت وركبنى الشيطان وصرت اكتبله بالواتس اب رد على ولاطلقنى انا زوجتك ومسؤله منك ,, كمان مارد طلبت منه بالواتس اب يرد على ولايطلقنى اكثر من مره ,,, ثم جانى حاله انهيار عصبى وصرت ابكى واكتب بالواتس كلام كثير ماذكره بس كان هجومي . قبل موعدي ارسلى سواق من اهله ووصلنى ورجعت للبيت ,, رجع هو الساعه 10 ووقتها حاولت اكلمه مارد اخذ مخدته ونام بالصاله طنشنى كانه جماد مايرد ,, قلت ايش فيك مافى رد ,, طلبت الطلاق وقعدت اصيح جتنى حاله جنون مارد اعتذرت له قلت اسفه بس كلمنى طفشت كم يوم ماتكلمنى ماسويت شى ,, كمان مارد وقالى روحي بيت اهلك لو تبين اللطلاق وانا اتفاهم مع ابوك واقوله انك ماتحترمينى واوريه رسايلك بالواتس وعدم احترامك قلت له انت ماترد على وتهجرنى حولتنى لمجنونه نفذ صبرى قالى روحي بيت اهلك وصار يهددنى بالكلام بالواتس اب وانى بوري اهلك انك ماتحترمينى ومن هاللكلام قلتله طلقنى ولاتخرب بينى وبين اهلى وانا مو خايفه انه يوريهم مالى خلق صراحه مشاكل ,, مع تهديده المستمر اخذت التلفون وكلمت امى وكنت منهاره جدا وقلت انا ماقدر اعيش معه تعالى خوذينى ,,جت امي اخذتنى فتح لى الشنطه حطيت ملابسى ورحت ..
انتو عارفين انى ساكنه بشقه ببيت اهل زوجي امه سمعت الصياح يمكن والصوت فكلمتني, امي شافت تلفونها قالت ردي عليها
رديت قالت وش فيك قلت مافى شى ,, رددت السؤال اكثر من مره قلت مافى شى
بعدين قلت لها بعد اصرارها انتى تعرفين ان ولدت عقيم صح ورافض يعالج ويتعبنى بالعلاجات حقته ( وهذا شى صحيح اترجاه علشان ياخذ الفيتامينات والعسل واترجاه يروح يقرا ورافض اترجاه يروح يحجم ورافض تعبت تعب تعبت) قالت لى / الدنيا دوراه ولاتقولين عن ولدي كذا ممكن تدور الدنيا وتصيري عقيم ومن هالكلام ,, انا ماكنت اتشمت فيه او اعايره علشان تقولى هالكلام انا هى سالتنى وانا جاوبت وكمان كنت اشكى الحال ,, ثم قالت لى تبينه وتحبينه استمري معه ولاتقولين عن ولدي عقيم ماتبينه روحي بيت اهلك بس تذكرى انك ممكن تتزوجين وماتنجبين ويطلع العيب منك والدكاتره مايعرفون شى ,, حزنت من هالمكالمه حسسيت الاحترام بيننا انتهى وانا ولله كنت احبها واعتبرها مثل امي بس هالمكالمه دمرت اللى بيننا
الان انا ببيت اهلى من 4 ايام امي سالتنى عن مشاكلي وقلتها كل شى حتى قلت لها انى هزئته بالواتس اب وهو هددنى انه يوريكم فقلتلك قبل .. امى حاولت تكلمه تلفونه مغلق كلمت الشغاله تكلمه قام ارسل مسج ان نفسه مشحونه وبيفكر وبيبلغها بقراره
هذه مستجداتى تقريبا زواج اختى بعد شهر مو عارفه اجهز له
محتاجه ملابس ومانى عارفه شلون اخذها
هذا غير الحيره والانتضار والخوف من المجهول ,, اريد ارائكم ومساعداتكم وماذا افعل فى هذا الموقف
هل افرح بالطلاق ام انا مخطئه ومقصره
كان عندي امل لو استجاب لدكتور امريكا ان يجد حيوانات منوية ويتم الحمل
للان نفسي اعمل هالخطوه ,,,
ارائكم اخوتى ,اخطات بعصبيتى ولكن الانسان دم ومشاعر واحساس وهو متبلد الاحساس فقير منعدم العاطفه الا فى لحضات بسيطه لاازال اتذكرها واحمل ذكريات جميله عنها ولكنها بسيطه جدااا جداا ولم تدم
طبعا ذهب لبيت اهلى وبعدها للمستشفى كان معي اسهال شديد بسبب القولون اخذت مغذي ومضاد وحبوب للتهدئه لانى كنت بحال يرثى لها وانا الان بصحه جيده