وعليكم السلام ورحمة الله وبركاته
أول شي ياخوي ألف مبروك الخطوبة وعقبال التمام على خير
أنت اللي يسير معك والله 90 في المية نفس اللي صار معي
وانا راح اتكلم معك وأنا عارف وضعك وحاسس فيك والله
اللي تسويه هي انها بتتغلى عليك وتتثقل وشايفتك دايم تلحق وراها واذا زعلت على طول تراضيها فصارت على قولتهم "تسوق دلالها عليك"

وهي واضح من كلامك وكلام اهلها تحبك وتموت فيك بس ماهي عارفة شلون تتصرف وتبغى تدلع يعني
أنت اثقل عليها شويتين واذا سألتك وش فيك قلها انك مرضت ولا عندك دراسة خلك غامض شوي بس انك لاتثقل زيادة مرة يعني سدد وقارب
ونصيحتي الكبرى لك لااااااا تكون مندفع بمشاعرك خلك ع الهداوة شوي شوي
أنا أدري بتقول أنك ماصدقت خطبت وتبغى تطلع الكلام والعاطفة اللي فيك بالحلال وتبغى تحس بالحب بس لاتخاف بإذن الله راح يجيك كل شي وراح تكافئك فيما بعد اضعاف اذا احسنت التصرف معها
واذا ارسلت لها شي لا تدقق في الرد أنت احمد ربك أنا خطيبتي حتى ماكانت ترد علي في أول فترة بس شوف الحين ماشاءالله تغيرت كثيير
وكل الأمور اللي تسير ترى طبيعية بما انو في حب بين الطرفين وتقبل لطرف الآخر كل الأمور هذه بتنحل وتختفي مع الوقت بإذن الله

ونصيحة حاول تعجل في الزواج لاتطول فترة الملكة حتى لاتكثر المشاكل وتتعبوا نفسياً
وحط في بالك ياصديقي انو مجتمع البنات كله تحذيرات: لاتسوي لاتقولي لاتتصلي لاتردي
لايقول عنك خفيفة ولاجريئة ولا خبرة ..... إلخ فعشان كذا كثير منهم يتصرفوا نفس تصرف خطيبتك
فأنت أصبر عليها وحسسها بالأمان

خطيبتك بقلبها حاجات حلوه كثيره بس أصبر عليها

أرسل لها صور أطفالكم في العيله ! أو صور مضحكه لك ! ولا مقاطع مضحكة!

حاول تكسر البرود وأمزح واستهبلوا مع بعض لأن الجديه هي إلي تخلق مسافات وبعد بين الناس
ونصيحة أخيرة لا تقارن أبداً وضعك مع غيرك لأنك بتتعب وبتظلم نفسك وتظلمها
والله يسخركم لبعض يارب
وان شاءالله أكون أفدتك وعذراً على الإطالة