رد : أهل زوجي يعذبون أبنائي
أشكر جميع من رد علي..وربي يجعله بميزان حسناتكم.
بالنسبة ﻷسألتكم..
أسكن مع أهل زوجي.
نزول أطفالي..دائما ينزلون بطلب من أبو زوجي..
وإذا تعذرت قلت أبي أوكلهم أو أي عذر..على طول يدق على زوجي
ويقولة زوجتك حاشره الوغدان عني..وزوجي يكلمني يقول بسرعة نزليهم
وأقوله يافلان تو منزلتهم أبيهم مثلا يذاكرون
يقول أنا مابي مشاكل مع أبوي..
وللعلم والله العظيم ماعمري حاولت قطيعتهم
ﻷني أخاف الله..وأقابل أسائتهم بالاحسان
لعلهم يلينون لكن والله مايزودهم سكوتي وأحترامي وصبري ع أذاهم..إلا تسلط وتجبر وقهر لعيالي..
وأنا أعرف جيدا أنه ليست القوة بالصراخ والعصبيه
أذكر مرة حاولت أن أدافع وبكل هدوء وأدب
لكن مانفع معهم أبد..وبكيت أمامهم من شدة القهر.
ناس لاتعرف الرحمه..
وبالنسبة لزوجي للﻷسف كان يعرف
ومرة دافع عن أبنه..ﻷنه ضربه ولد عمته
لم يضربه فقط تكلم وقال هذا أخوك لاتضربه
وش سوت أخته زبدت ورعدت..وقالت أنتم ماتخافون من الله
تخانقون هالولد..قلبت السالفه وخلت حنا الظالمين.وهم البريئين
وتمسكنت عند زوجي ونزلت دمعتين..
ومن هالموقف زوجي تاب ماعاد يدافع عنا
وإذا شكو أطفالي له...يقول أكيد أنتم غلطانين
ويخانقهم..يخليهم يتندمون أنه شكى لهم
وعيالي تابو..مايقولون له
ومرة ضرب ولد حماتي ولدي وخنقه مع رقبته..وكنت أنا ببيت أهلي محرومه منهم..وراح ولدي فوق يصيح..ﻷنه قال لعماته ضربن فلان..قالن أحسن تستاهل..وجاه أبوه قاله ليه وش فيك وقاله فلان غالن مع رقبتي علشاني بس ماسمعته قال سكر الباب إذا طلعت وماسمعته وذبحن يبه..
وش سوى زوجي..بس راح وفصل البلاستيشن بكل هدوؤ
وقاله لاتضرب أخوك..ﻷنه خاايف من خوواته
يخااف ع زعلهن...وبعده راح زوجي ومسكن ولدي يخانقنه
ليه تعلم أبوك...وقالن لعيالهن ياويل أحد يلعب مع فلان اللي هو
ولدي..يعني حتى مايبونه يدافع عن نفسه..
قمة الظلم والقهر..ومواقف كثيرة تحصل تموتني عذاب
مثلا ولدي يكون كاشخ ومتعطر وينزل لهم
مبسوط..وتشوفه عمته وتقوول وعععععععع
وش ريحة هالعطر الخايسة..ليش لبسك كذا
يشككونه بلبسه.وضحكت الاطفال عليه..
المهم قالي..وحاولت أعزز ثقته بنفسه
قلت ماعليك من اي أحد يسبك..
بالعكس ريحتك حلوة ولبسك حلو..
يقول يمه ماأبي ألبس هاللبس
وأقوله خلك واثق من نفسك
ومن هالكلام..لكن من كثر مايحطمونه
ويلعبون بنفسيته..يتأثررر بكلامهم..
ومرة نزل هو وأخوه الصغير..قالت جاء
الكلب هو وأخوه..وضحكو الاطفال عليه
وفشلته..
ومرة ولدي تعشى معهم وجلس قبل
عيالهن بالسفرة وش سوت اللي ماتخاف من ربه
شاتت ولدي برجله تخانقه تقول أبعد وحطت عياله مكانه
وقامت صبت عصير لكل طفل من عيالهن
حتى اللي عمره سنه ونص ويوم خلصن
الاكواب قالت قم يله جب لك كوووب..
وإذا تعشى زوجي تحت معهم.أول مايشفن
ولدي يقلن تعاال ياقلبي هينا ويخلنه يجلس
بجنبهم وأول واحد يجلس ويعطنه عصير ع طول
وكل ياحبيبي ويقطعن له بيتزا..ويسولفن معه
ويضحكن معه..بحضور أبوه..علشان مايصدقنا
إذا أشتكينا منهم...أعوذ بالله كيد وخبث.
وعدم رحمة..مايخافن ربهن..